Small Investments: పెట్టుబడి చిన్నది రాబడి పెద్దది.. ఈ పథకాలు సూపర్..!

Small Investments: ప్రభుత్వం గత కొన్నేళ్లుగా బ్యాంకింగ్ వ్యవస్థను గ్రామీణ ప్రాంతాలకు తీసుకువెళ్లింది. ప్రధాన మంత్రి జన్ ధన్ యోజన ప్రారంభించిన తర్వాత దేశంలోని అధిక జనాభా బ్యాంకింగ్ వ్యవస్థకు దగ్గరైంది. బ్యాంకింగ్ వ్యవస్థ పరిధి పెరగడంతో పెట్టుబడి, పొదుపుపై​ప్రజల్లో అవగాహన పెరిగింది. ఏ రకమైన పెట్టుబడిలోనైనా మంచి రాబడిని పొందాలనేది ప్రతి ఒక్కరు కోరుకుంటున్నారు. అయితే సురక్షితమైన పెట్టుబడులలో మాత్రమే పెట్టుబడి పెట్టాలని భావిస్తారు. ఈ మూడు పథకాలలో పెట్టుబడి పెట్టడం ద్వారా గరిష్ట రాబడిని పొందవచ్చు. కాబట్టి ఆ పెట్టుబడుల గురించి వివరంగా తెలుసుకుందాం.

1. ఎఫ్‌డి

చాలాకాలం నుంచి ప్రజలు బ్యాంకులో ఎఫ్‌డిని సురక్షితమైన పెట్టుబడి ఎంపికగా భావిస్తున్నారు. మీరు బ్యాంకుల్లో పెట్టుబడి పెట్టాలని చూస్తున్నట్లయితే ఫిక్స్‌డ్ డిపాజిట్లు గొప్ప ఎంపిక. గత కొన్ని నెలల్లో చాలా బ్యాంకులు తమ FD వడ్డీ రేట్లను మార్చాయి. ఇందులో స్టేట్ బ్యాంక్ ఆఫ్ ఇండియా, బ్యాంక్ ఆఫ్ బరోడా, ఐసిఐసిఐ బ్యాంక్ సహా అనేక బ్యాంకులు ఉన్నాయి. ఈ బ్యాంక్ FDలో సీనియర్ సిటిజన్‌లు మరిన్ని ప్రయోజనాలను పొందుతారు.

2. పోస్ట్ ఆఫీస్ RD

పోస్టాఫీసు తన వినియోగదారులకు వివిధ రకాల పొదుపు పథకాలని అందిస్తుంది. అందులో ఒకటి పోస్ట్ ఆఫీస్ రికరింగ్ డిపాజిట్ ఖాతా. ఈ ఖాతాలో, మీరు కేవలం 100 రూపాయల పెట్టుబడితో ఖాతాను ఓపెన్ చేయవచ్చు. ఇందులో పెట్టుబడికి గరిష్ట పరిమితి లేదు. మీరు ఒక సంవత్సరంలో డిపాజిట్ చేసిన మొత్తం ఆధారంగా మీకు రిటర్న్‌లు వస్తాయి. ఈ పథకంపై పోస్టాఫీసు ఖాతాదారులకు 5.8 శాతం వడ్డీ రేటును అందిస్తుంది.

3. PPFలో పెట్టుబడి

మీరు ప్రతి నెలా పొదుపు ఖాతా నుంచి NPS, PPF ఖాతాలలో డబ్బును పెట్టుబడి పెట్టవచ్చు. ఇది ప్రభుత్వ పథకం. ఇందులో పెట్టుబడిదారుడు అధిక వడ్డీ రేటును పొందుతాడు. మీరు PPF స్కీమ్‌లో పెట్టుబడి పెట్టడానికి 7.1 శాతం వడ్డీని పొందుతారు. మీరు ప్రతి నెలా సేవింగ్ ఆటో డెబిట్ ఆప్షన్ ద్వారా PPF స్కీమ్‌లో పెట్టుబడి పెట్టడం ద్వారా మంచి రాబడిని పొందవచ్చు. ఈ పథకం ద్వారా మీరు 10 సంవత్సరాల పాటు ప్రతి సంవత్సరం కనిష్టంగా రూ. 500, గరిష్టంగా రూ. 1.5 లక్షల వరకు పెట్టుబడి పెట్టవచ్చు. ఆదాయపు పన్ను సెక్షన్ 80C ద్వారా పన్ను మినహాయింపు పొందుతారు.