Home Loan Tips: హోమ్‌లోన్‌ సమయానికంటే ముందే క్లోజ్‌ చేయాలనుకుంటున్నారా.. ఈ విషయాలు మరిచిపోవద్దు..!

Home Loan Tips: సొంతింటి కల ప్రతి ఒక్కరికీ ఉంటుంది. కానీ ఇది అందరికి సాధ్యం కాదు. కానీ హోమ్‌లోన్ ద్వారా దీనిని సాధించవచ్చు. ఈ రోజుల్లో చాలా బ్యాంకులు హోమ్‌లోన్‌ సౌకర్యాన్ని అందిస్తున్నాయి. చాలామంది దీనిద్వారా ఇల్లు కొనడానికి డబ్బు పొందుతున్నారు. అయితే ఈ లోన్‌ తీర్చడానికి కాలపరిమితి చాలా ఎక్కువగా ఉంటుంది. చాలా మంది దీనిని తొందరగా క్లోజ్‌ చేయాలనుకుంటారు. సమయానికి ముందే హోమ్‌లోన్‌ తిరిగి చెల్లిస్తున్నట్లయితే కొన్ని విషయాలను గుర్తుంచుకోవాలి. వాటి గురించి తెలుసుకుందాం.

జప్తు రుసుములు

హోమ్ లోన్ పూర్తిగా తిరిగి చెల్లించిన తర్వాత హోమ్ లోన్ ఖాతా క్లోజ్‌ అవుతుంది. ఈ ప్రక్రియ ఉచితంగానే జరుగుతుంది. ఆర్‌బిఐ మార్గదర్శకాల ప్రకారం బ్యాంకు దీనికి ఎటువంటి ఛార్జీ వసూలు చేయదు. మీరు ఎటువంటి జప్తు రుసుము చెల్లించాల్సిన అవసరం ఉండదు.

బ్యాంకుకు తెలియజేయండి

మీరు హోమ్ లోన్ మిగిలిన అసలు మొత్తాన్ని ఒకేసారి చెల్లించినప్పుడు ఈ విషయాన్ని బ్యాంకుకు తెలియజేయాలి. ఈ సందర్భంలో ఏవైనా మానవ తప్పిదాలు ఉంటే సరిచేయవచ్చు. బ్యాంకు జప్తు నియమాల గురించి మరింత సమాచారం పొందవచ్చు. మీరు ఎంత ప్రిన్సిపల్ అమౌంట్ చెల్లించాల్సి ఉంటుందో తెలుస్తుంది. తర్వాత సులువుగా హోమ్ లోన్ అకౌంట్‌ క్లోజ్‌ అవుతుంది.

పత్రాలను ఉపసంహరించుకోండి

హోమ్ లోన్ తీసుకునే సమయంలో డాక్యుమెంట్లలో కొన్ని బ్యాంకులో డిపాజిట్ చేస్తారు. మీరు మీ హోమ్ లోన్ మొత్తాన్ని తిరిగి చెల్లించే రోజున బ్యాంక్‌లో డిపాజిట్ చేసిన అన్ని డాక్యుమెంట్‌లను వెనక్కి తీసుకోవాలి. ఈ పత్రాలు మీ ఆస్తి పత్రాలు, రిజిస్ట్రీని కలిగి ఉంటాయి. ఈ పరిస్థితిలో మొత్తం హోమ్‌లోన్‌ తిరిగి చెల్లించేటప్పుడు ముఖ్యమైన పత్రాలను తిరిగి తీసుకోవడం మరిచిపోవద్దు.