Two Wheeler Loan: బైక్ లోన్ కావాలంటే ఇంట్లో కూర్చొనే సంపాదించవచ్చు.. ఎలాగంటే..?

Two Wheeler Loan: ద్విచక్ర వాహనాలు చౌకగా ఉంటాయి. ఒక లీటర్ పెట్రోల్‌కి కారు కంటే ఎక్కువ మైలేజీని ఇస్తాయి. కాబట్టి భారతీయ వినియోగదారులకు ద్విచక్ర వాహనాలు చాలా బాగా నచ్చుతాయి. ఇది కాకుండా ఎటువంటి వీధిలోనైనా లేదా సన్నని రద్దీ ప్రదేశంలో కూడా నడిపే వీలుంటుంది. కస్టమర్లు బైక్‌ కొనుగోలు చేయడానికి సులువుగా రుణం తీసుకొని ఇంటికి తీసుకురావచ్చు. బైక్ కోసం రుణం తీసుకోవడానికి ఏ బ్యాంకుకు వెళ్లనవసరం లేదు. మీరు ఇంట్లో కూర్చొని ఆన్‌లైన్‌లో ద్విచక్ర వాహనానికి రుణం పొందవచ్చు. అది ఎలాగో తెలుసుకుందాం.

మీరు ఆన్‌లైన్ టూ-వీలర్ లోన్ పొందాలనుకుంటే మీ వయస్సు కనీసం 21 సంవత్సరాలు ఉండాలి. మీరు పెద్దవారైతే ఆన్‌లైన్‌లో రుణం కోసం దరఖాస్తు చేసుకోవచ్చు. ఇంత కంటే తక్కువ వయస్సు ఉన్న వారికి బ్యాంకు రుణాలు ఇవ్వదు. బ్యాంక్ మీకు బైక్ లేదా స్కూటర్ మొత్తం ఖరీదులో 85 శాతం వరకు రుణం ఇస్తుంది. మిగిలిన మొత్తం అంటే డౌన్ పేమెంట్ కస్టమర్ స్వయంగా చెల్లించాలి. ఆన్‌లైన్ టూ-వీలర్ లోన్ పొందడానికి మీరు మీ విశ్వసనీయ బ్యాంక్ అధికారిక వెబ్‌సైట్‌లో నేరుగా దరఖాస్తు చేసుకోవచ్చు. ఆన్‌లైన్‌లో దరఖాస్తు చేసే ప్రక్రియ చాలా సులభం. మీరు టూ వీలర్ లోన్ కోసం సులభంగా దరఖాస్తు చేసుకోవచ్చు.

వెబ్‌సైట్‌లో రుణం కోసం దరఖాస్తు చేస్తున్నప్పుడు బ్యాంకు మీ నుంచి చాలా ముఖ్యమైన విషయాల గురించి సమాచారాన్ని తీసుకుంటుంది. దీని తర్వాత మొత్తం సమాచారం ఆధారంగా మీరు రుణం పొందగలరా లేదా అని చెబుతుంది. వెబ్‌సైట్‌లో అవసరమైన మొత్తం సమాచారాన్ని అందించిన తర్వాత బ్యాంకు ఉద్యోగులు మీకు కాల్ చేసి ఈ ద్విచక్ర వాహన రుణ ప్రక్రియను ముందుకు తీసుకెళ్లడానికి మొత్తం సమాచారాన్ని అందిస్తారు. ఈ ప్రక్రియకు సంబంధించి మీ మదిలో ఏదైనా ప్రశ్న ఉంటే ఖచ్చితంగా దాని గురించి బ్యాంకు ప్రతినిధిని అడగాలి.

బ్యాంకుతో పాటు మీరు డీలర్‌షిప్‌లో కూడా అనేక ఆఫర్‌లను పొందుతారు. కాబట్టి ఈ ఆఫర్‌లన్నింటి గురించి తెలుసుకోవడానికి మీ సమీప డీలర్‌షిప్‌కు కాల్ చేయండి. మీకు నచ్చిన బైక్ లేదా స్కూటర్‌పై ఆఫర్‌లను ఇక్కడ చూడండి. తద్వారా మీరు ఉత్తమమైన డీల్‌ను పొందవచ్చు. బ్యాంక్ మొత్తం ప్రక్రియలో మీరు తప్పనిసరిగా అనేక రకాల పత్రాలను సమర్పించాలి. కాబట్టి ఇక్కడ మీరు మీ ఓటర్ ఐడి, ఆధార్ కార్డ్, పాన్ కార్డ్, డ్రైవింగ్ లైసెన్స్ ఉపయోగించి పత్రాలను పూర్తి చేయవచ్చు.

కరెంటు బిల్లు, రేషన్ కార్డు, టెలిఫోన్ బిల్లు వంటి పత్రాలు అడ్రస్ ప్రూఫ్‌గా బ్యాంకులో చెల్లుబాటు అవుతాయి. మీరు రుణం పొంది ద్విచక్ర వాహనం కొనుగోలు చేసిన తర్వాత ఈ రుణాన్ని 1 నుంచి 5 సంవత్సరాలలో తిరిగి చెల్లించాలి. మీరు మీ సౌలభ్యం ప్రకారం వాయిదాలు ఎంచుకోవచ్చు. మీ పొదుపు ప్రతి నెల మెరుగ్గా ఉంటే ఎక్కువ మొత్తంలో వాయిదాలు చెల్లించడం ద్వారా రుణాన్ని త్వరగా తిరిగి చెల్లించవచ్చు.