Indian Railways Train Ticket: రైల్వే టిక్కెట్లపై 75% తగ్గింపు.. ఎవరికో తెలుసా?

Train Ticket Discount: రైలులో ప్రయాణించే వారికి శుభవార్త. రాబోయే రోజుల్లో రైలులో ప్రయాణించే ప్లాన్‌ని కలిగి ఉన్నట్లయితే, కోందరు వ్యక్తుల టిక్కెట్‌లపై తగ్గింపు ప్రయోజనం పొందనున్నారు. భారతీయ రైల్వేలు ప్రపంచంలోనే నాల్గవ అతిపెద్ద నెట్‌వర్క్. దీని ద్వారా ప్రతిరోజూ కోట్లాది మంది తమ ప్రయాణాన్ని పూర్తి చేసుకుంటారు. ఈ రోజు కూడా చాలా మందికి టిక్కెట్లలో తగ్గింపు ప్రయోజనాన్ని రైల్వే అందిస్తోంది.

ఈ వ్యక్తులకు మినహాయింపు ప్రయోజనం..

రైల్వే దివ్యాంగులకు, దృష్టిలోపం ఉన్నవారికి, బుద్ధిమాంద్యం ఉన్నవారికి రైలు టిక్కెట్‌లలో తగ్గింపు ప్రయోజనాన్ని అందిస్తోంది. ఈ వ్యక్తులు సాధారణ తరగతి నుంచి స్లీపర్, థర్డ్ ఏసీ వరకు టిక్కెట్లపై కూడా తగ్గింపు పొందుతారు. ఈ వ్యక్తులు టిక్కెట్లపై 75 శాతం వరకు తగ్గింపు ప్రయోజనం పొందుతారు.

రాజధాని-శతాబ్దిలో కూడా డిస్కౌంట్..

ఇది కాకుండా ఈ ప్రయాణికులు ఏసీ ఫస్ట్ క్లాస్ లేదా సెకండ్ క్లాస్‌లో టిక్కెట్లు బుక్ చేసుకుంటే, ఆ వ్యక్తులు 50 శాతం వరకు తగ్గింపు పొందుతారు. అదే సమయంలో, రాజధాని, శతాబ్ది వంటి రైళ్లకు 25 శాతం వరకు తగ్గింపు ప్రయోజనం లభిస్తుంది.

ఎస్కార్ట్ కూడా డిస్కౌంట్..

రైల్వే శాఖ నుంచి అందుతున్న సమాచారం ప్రకారం, మాట్లాడలేని, వినలేని వారికి రైలులో 50 శాతం తగ్గింపు ప్రయోజనం లభిస్తుంది. ఇది కాకుండా అలాంటి వ్యక్తులతో ప్రయాణించే ఎస్కార్ట్ కూడా రైలు టిక్కెట్లపై అదే తగ్గింపు ప్రయోజనాన్ని పొందవచ్చు.

ఇలాంటి వారికి కూడా..

ఇది కాకుండా, రైల్వే వివిధ వ్యాధులతో బాధపడుతున్న రోగులకు టిక్కెట్లలో తగ్గింపు ప్రయోజనాన్ని కూడా అందిస్తుంది. క్యాన్సర్, తలసేమియా, హృద్రోగులు, కిడ్నీ రోగులు, హిమోఫిలియా రోగులు, TB రోగులు, AIDS రోగులు, ఆస్టమీ రోగులు, రక్తహీనత, అప్లాస్టిక్ అనీమియా రోగులకు కూడా తగ్గింపు వస్తుంది.