June Bank Holidays 2024: జూన్​లో 12 రోజులు బ్యాంకులకు హాలిడేస్.. ఏ రోజున వస్తున్నాయంటే..!

June Bank Holidays 2024: మరో రెండు రోజుల్లో మే నెల ముగిసి జూన్​ ప్రారంభంకాబోతుంది. దీంతో చాలా విషయాల్లో మార్పులు జరగనున్నాయి. అందులో భాగంగా జూన్​లో బ్యాంకులకు 12 రోజులు సెలవులు వస్తున్నాయి. ఇందులో దేశంలోని ఆయా రాష్ట్రాల్లో ఉండే పండుగలు, రెండో శనివారాలు, ఆదివారాలు ఉన్నాయి. అయితే ఏ రోజుల్లో బ్యాంకు బంద్​ ఉంటుందో తెలిస్తే బ్యాంకుకు సంబంధించిన పనుల గురించి ముందస్తుగా ప్లాన్​ చేసుకోవచ్చు. ఆర్థిక విషయాల్లో ఎటువంటి ఇబ్బందులు రాకుండా చూసుకోవచ్చు. జూన్​లో వచ్చే సెలవుల గురించి ఈ రోజు తెలుసుకుందాం.

జూన్ 9న హిమాచల్ ప్రదేశ్, హర్యానా, రాజస్థాన్ రాష్ట్రాల్లో మహారాణా ప్రతాప్ జయంతి

జూన్​10న పంజాబ్ లో అమరవీరుల దినోత్సవం

జూన్​ 14న పహిలి రాజా కారణంగా ఒడిశాలో బ్యాంకులు బంద్

జూన్​15న YMA డే

జూన్​ 17న బక్రీద్, 21న సావిత్రి వ్రతం ఆయా రాష్ట్రాల్లో ప్రత్యేక సెలువుల కారణంగా బ్యాంకులు బంద్ ఉంటాయి.

జూన్ 8 సెకండ్, జూన్ 22 నాల్గొ శనివారాలు కాబట్టి బ్యాంక్ హాలిడేస్. జూన్ 2, 9, 16, 23, 30 భారతదేశం అంతటా ఆదివారం బ్యాంకులకు సెలవులు. ఆన్‌లైన్ బ్యాంకింగ్, ఏటీఎం సేవలు అందుబాటులో ఉంటాయి. బ్యాంక్ లో పని ఉంటే ఈ షెడ్యూల్ ఆధారంగా కస్టమర్లు ప్లాన్ చేసుకోవడం ఉత్తమం. రిజర్వ్ బ్యాంక్ ఆఫ్ ఇండియా (RBI) రాష్ట్ర ప్రభుత్వాల సమన్వయంతో ప్రతి ఏటా బ్యాంక్ సెలవుల క్యాలెండర్‌ను నిర్ణయిస్తుంది. దీనిని అన్ని బ్యాంకులు అనుసరిస్తాయి.