రిటైర్మెంట్ బెస్ట్ స్కీమ్.. PPF కంటే ఎక్కువ వడ్డీ పొందవచ్చు.. ఎలాగంటే..?

Provident Fund: ఒక ఉద్యోగి జీవితం జీతంపైనే ఆధారపడి ఉంటుంది. అతడు ఉద్యోగం చేసినన్ని రోజులు కుటుంబం బాగానే గడుస్తుంది. కానీ రిటైర్మెంట్ తర్వాత పరిస్థితి వేరుగా ఉంటుంది. అప్పుడు పని ఉండదు జీతం ఉండదు. కాబట్టి ఏ ఉద్యోగి అయినా సరే అతడు సర్వీస్లో ఉన్నప్పుడే రిటైర్మెంట్ గురించి ఆలోచిస్తే శేష జీవితం బాగుంటుంది. లేదంటే ఆర్థికంగా చితికిపోవలసి ఉంటుంది. అందుకే ఉద్యోగం చేస్తున్నప్పుడే రిటైర్మెంట్ ఫండ్ క్రియేట్ చేసుకోవాలి. దానికోసం మార్కెట్లో ఎన్నో పద్దతులు ఉన్నాయి. అందులో ఒకటి వాలంటరీ రిటైర్మెంట్ ఫండ్ (VPF). దీని గురించి తెలుసుకుందాం.

వాలంటరీ ప్రావిడెంట్ ఫండ్ అనేది ఉద్యోగుల ప్రావిడెంట్ ఫండ్ ఆర్గనైజేషన్ (EPFO)నిర్వహించే ఒక పథకం. ఈ పథకం కింద ఉద్యోగులు వారి కోరిక మేరకు జీతంలో కొంత భాగాన్ని డిపాజిట్ చేయవచ్చు. దీనిపై ప్రభుత్వం ఆదేశించిన గరిష్ట పరిమితి అంటే 12 శాతం PF కంటే ఎక్కువగా ఉండాలి. ఒక ఉద్యోగి VPFలో తన ప్రాథమిక జీతంలో 100% వరకు డిపాజిట్ చేయవచ్చు. ఈ కాలానికి PPF కంటే ఎక్కువ వడ్డీని చెల్లిస్తారు. ప్రస్తుతం పీపీఎఫ్పై 7.1 శాతం, వీపీఎఫ్పై 8.50 శాతం వడ్డీ లభిస్తోంది. మీరు దీనిలో పెట్టుబడిని పెంచవచ్చు లేదా తగ్గించవచ్చు ఎప్పుడైనా మూసివేయవచ్చు.

మీరు ఒక సంవత్సరంలో గరిష్టంగా రూ. 1.50 లక్షల వరకు PPFలో పెట్టుబడి పెట్టవచ్చు. VPFలో పెట్టుబడి పెట్టడానికి పరిమితి లేదు. ఇందులో ఎంతైనా పెట్టుబడి పెట్టవచ్చు. VPF ఖాతాలో EPF లాగే వడ్డీ ఉంటుంది. ఉద్యోగం మారినప్పుడు ఈపీఎఫ్ లాగా వీపీఎఫ్ నిధులను కూడా బదిలీ చేసుకోవచ్చు. VPF ఆదాయపు పన్ను చట్టంలోని సెక్షన్ 80C కింద పన్ను మినహాయింపు ప్రయోజనాన్ని పొందుతుంది. EPF లాగానే, VPF ఖాతాలో చేసిన పెట్టుబడి కూడా EEE కేటగిరీ కిందకు వస్తుంది. అంటే అందులో పెట్టుబడి, దానిపై వచ్చే వడ్డీ, మెచ్యూరిటీ వ్యవధి పూర్తయిన తర్వాత వచ్చే డబ్బు పూర్తిగా పన్ను రహితం. డబ్బు విత్డ్రా ఆన్లైన్లో క్లెయిమ్ చేసుకోవచ్చు. VPF ఖాతా నుండి డబ్బును పాక్షికంగా విత్డ్రా చేయడానికి, ఖాతాదారు ఐదేళ్లపాటు పని చేయాల్సి ఉంటుంది, లేకుంటే పన్ను మినహాయించబడుతుంది. పదవీ విరమణ తర్వాత మాత్రమే మొత్తం మొత్తాన్ని విత్ డ్రా చేసుకోవచ్చు.