logo
వ్యాపారం

Post Office: పోస్టాఫీస్‌ సూపర్ స్కీం.. నెలకి రూ.1500 చెల్లిస్తే రూ.35 లక్షలు మీవే..!

Post Office Gram Suraksha Scheme If you pay 1500 Rupees per Month, you can Earn 35 Lakhs
X

Post Office: పోస్టాఫీస్‌ సూపర్ స్కీం.. నెలకి రూ.1500 చెల్లిస్తే రూ.35 లక్షలు మీవే..!

Highlights

Post Office: పోస్టాఫీసులో పెట్టే పెట్టుబడి సురక్షితంగా ఉంటుంది. ఇక్కడ మీరు జీరో రిస్క్‌తో మెరుగైన రాబడిని పొందుతారు.

Post Office: పోస్టాఫీసులో పెట్టే పెట్టుబడి సురక్షితంగా ఉంటుంది. ఇక్కడ మీరు జీరో రిస్క్‌తో మెరుగైన రాబడిని పొందుతారు. పోస్టాఫీసులో చిన్న పొదుపు పథకాలు ఎక్కువ లాభాలని అందిస్తాయి. ఇందులో రిస్క్ ఫ్యాక్టర్ తక్కువగా ఉంటుంది. పోస్టాఫీసు 'గ్రామ సురక్ష పథకం' గురించి చాలా మందికి తెలియదు. ఇండియా పోస్ట్ అందించే ఈ ప్రొటెక్షన్ ప్లాన్ తక్కువ రిస్క్‌తో మంచి రాబడిని అందిస్తుంది. ఈ పథకంలో మీరు ప్రతి నెలా1500 రూపాయలు డిపాజిట్ చేయాలి. ఈ మొత్తాన్ని క్రమం తప్పకుండా జమ చేయడం ద్వారా మీరు రాబోయే కాలంలో 31 నుంచి 35 లక్షల వరకు ప్రయోజనం పొందుతారు.

19 నుంచి 55 సంవత్సరాల మధ్య వయస్సు గల భారతీయ పౌరులు ఎవరైనా ఈ పథకంలో పెట్టుబడి పెట్టవచ్చు.ఈ పథకం కింద కనీస బీమా మొత్తం రూ.10,000 నుంచి రూ.10 లక్షల వరకు ఉంటుంది. ఈ ప్లాన్ ప్రీమియం నెలవారీ, త్రైమాసికం, అర్ధ సంవత్సరం లేదా వార్షికంగా చెల్లించవచ్చు. ప్రీమియం చెల్లించడానికి 30 రోజుల సడలింపు లభిస్తుంది. మీరు ఈ పథకంపై రుణం కూడా తీసుకోవచ్చు. ఈ స్కీమ్ తీసుకున్న 3 సంవత్సరాల తర్వాత మీరు దీనిని సరెండర్ చేయవచ్చు. కానీ ఈ పరిస్థితిలో మీరు ఎటువంటి ప్రయోజనం పొందలేరు.

ఒక వ్యక్తి 19 సంవత్సరాల వయస్సులో ఈ పథకంలో పెట్టుబడి పెట్టి రూ.10 లక్షల పాలసీని కొనుగోలు చేశాడనుకుందాం. అప్పుడు అతని నెలవారీ ప్రీమియం 55 సంవత్సరాల వరకు రూ.1515, 58 సంవత్సరాలకు రూ.1463, 60 సంవత్సరాలకు రూ.1411 అవుతుంది. ఈ పరిస్థితిలో పాలసీ కొనుగోలుదారు 55 సంవత్సరాలకు రూ.31.60 లక్షలు, 58 సంవత్సరాలకు రూ. 33.40 లక్షలు, 60 సంవత్సరాలకు రూ.34.60 లక్షల మెచ్యూరిటీ ప్రయోజనాన్ని పొందుతారు.

Web TitlePost Office Gram Suraksha Scheme If you pay 1500 Rupees per Month, you can Earn 35 Lakhs
Next Story