Petrol-Diesel Rate: క్రిస్మస్ తెల్లారే షాక్ ఇచ్చిన ఆయిల్ కంపెనీలు.. భారీగా పెరిగిన పెట్రోల్, డీజిల్ ధరలు..!

Petrol-Diesel Rate: ఏడాది పూర్తి కాకముందే టెన్షన్ పెరిగింది. క్రిస్మస్‌ మరుసటి రోజే పెట్రోల్‌, డీజిల్‌ ధరలు పెంచి ఆయిల్‌ కంపెనీలు వినియోగదారులకు షాకిచ్చాయి. గ్లోబల్ మార్కెట్‌లో ముడి చమురు ధరలు స్వల్పంగా పెరగడంతో, ప్రభుత్వ చమురు కంపెనీలు గురువారం అనేక నగరాల్లో ఇంధన ధరలను పెంచాయి. అయితే, ఢిల్లీ, ముంబై, చెన్నై, కోల్‌కతా వంటి ప్రధాన మెట్రోలలో ధరలు స్థిరంగా ఉన్నాయి. అంటే ఇక్కడ ఎలాంటి మార్పు కనిపించలేదు. ఏయే నగరాల్లో ధరలు పెరిగాయో, అక్కడ ఎంత రూపాయల మేర పెరిగిందో తెలుసుకుందాం.

పాట్నాలో గరిష్ట ప్రభావం

బీహార్ రాజధాని పాట్నాలో పెట్రోల్ ధర 53 పైసలు పెరిగి రూ.106.11కి చేరుకోగా, డీజిల్ 51 పైసలు పెరిగి రూ.92.92కి విక్రయిస్తున్నారు. ఉత్తరప్రదేశ్‌లోని గౌతమ్ బుద్ధ నగర్ జిల్లాలో లీటర్ పెట్రోల్ 7 పైసలు పెరిగి రూ.95.05కి చేరుకోగా, డీజిల్ 6 పైసలు పెరిగి రూ.88.19కి చేరుకుంది. ఘజియాబాద్‌లో కూడా పెట్రోల్ ధర లీటరుకు 26 పైసలు పెరిగి రూ.94.70కి, డీజిల్ ధర 30 పైసలు పెరిగి లీటరుకు రూ.87.81కి చేరుకుంది.

ఢిల్లీ-ముంబైలో మార్పు లేదు

ఢిల్లీ గురించి మాట్లాడుకుంటే.. ఇక్కడ పెట్రోల్ రూ. 96.65, డీజిల్ లీటరు రూ. 89.82. ముంబైలో లీటర్ పెట్రోల్ రూ.106.31, డీజిల్ రూ.94.27గా విక్రయిస్తున్నారు. చెన్నైలో పెట్రోల్ రూ. 102.63, డీజిల్ లీటరుకు రూ. 94.24గా లభిస్తుంది. కోల్‌కతాలో కూడా ఇదే పరిస్థితి. అక్కడ లీటర్ పెట్రోల్ ధర రూ.106.03, డీజిల్ ధర రూ.92.76 చొప్పున విక్రయిస్తున్నారు.

ముడి చమురు కారణంగా పెరిగిన ధర

గత 24 గంటల్లో క్రూడాయిల్ ధరలు కూడా స్వల్పంగా పెరిగాయి. బ్రెంట్ క్రూడ్ ధర బ్యారెల్‌కు 73.58 డాలర్లకు చేరగా, డబ్ల్యూటీఐ రేటు బ్యారెల్‌కు 70.29 డాలర్లకు చేరుకుంది. ప్రపంచ మార్కెట్‌లో ఈ పెరుగుదల దేశీయ ధరలలో మార్పులకు కారణమైంది.

ప్రతి ఉదయం మారనున్న ధరలు

పెట్రోల్, డీజిల్ ధరలు ప్రతిరోజూ ఉదయం 6 గంటలకు అప్ డేట్ అవుతుంటాయి. ఎక్సైజ్ సుంకం, డీలర్ కమీషన్, వ్యాట్ కలిపిన తర్వాత, వాటి ధరలు అసలు ధర కంటే దాదాపు రెట్టింపు అవుతాయి. అందుకే అంతర్జాతీయ మార్కెట్‌లో చిన్న చిన్న మార్పులు కూడా నేరుగా భారతీయ వినియోగదారులపై ప్రభావం చూపుతాయి. ఈ చమురు ధరల పెరుగుదల సామాన్యుల జేబులపై అదనపు భారాన్ని మోపుతుంది. మరి రానున్న రోజుల్లో గ్లోబల్ మార్కెట్‌లో చమురు ధరలు ఏ దిశలో పయనిస్తాయో, దేశీయ మార్కెట్‌పై ఎలాంటి ప్రభావం చూపుతుందో చూడాలి.