మీ భార్య పేరిట ఖాతా తెరవండి.. ప్రతినెల రూ.44,793 అందుకోండి.. ఎలాగంటే..?

Open an Account in your wifes Name Under the nps scheme and receive a pension of Rs 44,793 per month
x

మీ భార్య పేరిట ఖాతా తెరవండి.. ప్రతినెల రూ.44,793 అందుకోండి.. ఎలాగంటే..?

Highlights

NPS: మీరు లేనప్పుడు కుటుంబం ఆర్థిక పరిస్థితులను ఎదుర్కోకూడదు. అందుకే వారికి భరోసా ఇచ్చేందుకు రెగ్యులర్‌ ఆదాయాన్ని క్రియేట్‌ చేయాలి.

NPS: మీరు లేనప్పుడు కుటుంబం ఆర్థిక పరిస్థితులను ఎదుర్కోకూడదు. అందుకే వారికి భరోసా ఇచ్చేందుకు రెగ్యులర్‌ ఆదాయాన్ని క్రియేట్‌ చేయాలి. దీని కోసం మీరు నేషనల్ పెన్షన్ స్కీమ్‌లో పెట్టుబడి పెట్టాల్సి ఉంటుంది. మీరు మీ భార్య పేరు మీద నేషనల్ పెన్షన్‌ స్కీమ్‌లో కొత్త అకౌంట్ ఓపెన్‌ చేయాలి. అప్పుడు మీ భార్యకు 60 ఏళ్లు నిండిన తర్వాత ఏకమొత్తం అందుతుంది. దీంతో పాటు ప్రతి నెలా వారికి పింఛను రూపంలో సక్రమమైన ఆదాయం ఉంటుంది. ఇది మాత్రమే కాదు NPS ఖాతాతో మీరు మీ భార్యకు ప్రతి నెల ఎంత పెన్షన్ పొందాలో కూడా నిర్ణయించవచ్చు. దీంతో మీ భార్య 60 ఏళ్లు దాటిన తర్వాత డబ్బు కోసం ఎవరిపైనా ఆధారపడదు. ఈ పథకం గురించి వివరంగా తెలుసుకుందాం.

మీరు కొత్త పెన్షన్ సిస్టమ్ (NPS) ఖాతాలో మీ సౌలభ్యం ప్రకారం ప్రతి నెల లేదా సంవత్సరానికి డబ్బు జమ చేయవచ్చు. కేవలం రూ.1,000తో మీ భార్య పేరు మీద ఎన్‌పీఎస్‌ ఖాతాను తెరవవచ్చు. NPS ఖాతా 60 సంవత్సరాల వయస్సులో మెచ్యూర్ అవుతుంది. కొత్త నిబంధనల ప్రకారం మీకు కావాలంటే మీరు భార్య వయస్సు 65 సంవత్సరాల వరకు కూడా పెంచుకోవచ్చు.

45 వేల వరకు నెలవారీ ఆదాయం ఉదాహరణకు మీ భార్యకు 30 ఏళ్లు ఉంటే మీరు ఆమె NPS ఖాతాలో ప్రతి నెలా రూ. 5000 పెట్టుబడి పెట్టండి. ఏటా పెట్టుబడిపై 10 శాతం రాబడి వస్తే 60 ఏళ్ల వయసులో ఆమె ఖాతాలో మొత్తం రూ.1.12 కోట్లు ఉంటాయి. ఇందులో దాదాపు 45 లక్షల రూపాయలు వారికి అందుతాయి. ఇది కాకుండా వారు ప్రతి నెలా దాదాపు రూ.45,000 పింఛను పొందడం ప్రారంభిస్తారు. అత్యంత ముఖ్యమైన విషయం ఏంటంటే వారు జీవితాంతం ఈ పెన్షన్ పొందుతూనే ఉంటారు.

NPS అనేది కేంద్ర ప్రభుత్వ సామాజిక భద్రతా పథకం. ఈ స్కీమ్‌లో మీరు పెట్టుబడి పెట్టిన డబ్బు ప్రొఫెషనల్ ఫండ్ మేనేజర్ నిర్వహిస్తారు. ఈ వృత్తిపరమైన ఫండ్ మేనేజర్లకు కేంద్ర ప్రభుత్వం బాధ్యతను అప్పగిస్తుంది. NPSలో మీ పెట్టుబడి పూర్తిగా సురక్షితం. అయితే ఈ పథకం కింద మీరు పెట్టుబడి పెట్టే డబ్బుపై రాబడికి హామీ ఉండదు. ఫైనాన్షియల్ ప్లానర్ల ప్రకారం ఎన్‌పిఎస్ ప్రారంభమైనప్పటి నుంచి సగటున 10 నుంచి 11 శాతం వార్షిక రాబడిని ఇస్తుంది.

Show Full Article
Print Article
Next Story
More Stories