Challan: గుడ్‌న్యూస్.. రూ.2000ల పెండింగ్ చలాన్‌ను రూ.200కు తగ్గించుకునే లక్కీ ఛాన్స్.. ఎలాగో తెలుసా?

Challan Case In Lok Adalat: ట్రాఫిక్ నిబంధనల ఉల్లంఘనలు మన దేశంలో చాలానే కనిపిస్తుంటాయి. ట్రాఫిక్ నిబంధనలను ఉల్లంఘిస్తూ ఏటా లక్షల మంది ప్రమాదాలకు గురవుతున్నారు. ఈ ప్రమాదాలు చాలా మంది మరణాలకు కూడా కారణమవుతున్నాయి. ట్రాఫిక్ నిబంధనలు ఉల్లంఘిస్తూ పట్టుబడితే ట్రాఫిక్ పోలీసులు చలాన్ జారీ చేస్తారు. చలాన్ అంటే కొంత మొత్తంలో జరిమానా చెల్లించాలి. ఉల్లంఘన తీవ్రత ఆధారంగా చలాన్ మొత్తం నిర్ణయిస్తుంటారు.

ఈ ట్రాఫిక్ నిబంధనలను చాలా ఉల్లంఘిస్తున్నారు

భారతదేశంలో అత్యంత సాధారణ ట్రాఫిక్ నిబంధనల ఉల్లంఘనల గురించి మాట్లాడితే, వీటిలో అతివేగం, రెడ్ లైట్‌ను పట్టించుకోకపోవడం, తప్పుడు దిశలో డ్రైవింగ్ చేయడం, మొబైల్ ఫోన్ ఉపయోగించి డ్రైవింగ్ చేయడం, డ్రంక్ అండ్ డ్రైవింగ్, కారు డ్రైవింగ్ సమయంలో సీట్ బెల్ట్, బైక్ డ్రైవింగ్ సమయంలో హెల్మెట్ ధరించకపోవడం వంటివి ఉన్నాయి. ఏదైనా ట్రాఫిక్ నియమాన్ని ఉల్లంఘించినందుకు మీకు చలాన్ జారీ చేస్తుంటారు. ఇలాంటి ఎన్నో ఫైన్లు మీ వాహనంపై ఉన్నాయా.. అయితే, మీకో గుడ్‌న్యూస్ ఉంది. భారీగా చలాన్‌లు ఉన్నాయా.. వీటిని చౌకగా వదిలించుకోవచ్చు. సెప్టెంబర్ 9న జాతీయ లోక్ అదాలత్ జరగనుంది.

లోక్ అదాలత్ అంటే ఏమిటి?

రాష్ట్రీయ లోక్ అదాలత్ గురించి వినని వారు చాలా మంది ఉండొచ్చు. లోక్ అదాలద్‌లో కొన్ని రకాల పెండింగ్ కేసులను వెంటనే కొట్టివేస్తుంటారు. లోక్ అదాలత్‌లను అప్పుడప్పుడు నిర్వహిస్తుంటారు. దేశవ్యాప్తంగా లోక్‌ అదాలత్‌లు ఏర్పాటు చేస్తుంటారు. ఇప్పుడు లోక్ అదాలత్ సెప్టెంబర్ 9న నిర్వహించనున్నారు. దీనిలో మీరు చలాన్‌ను మాఫీ చేయవచ్చు లేదా జరిమానాను తగ్గించుకోవచ్చు.

అంటే, మీరు చలాన్‌ను మాఫీ చేసుకోవచ్చు లేదా తగ్గించుకోవచ్చు. మీ వద్ద రూ. 2,000 ఎక్కువ పెండింగ్ చలాన్‌లు ఉన్నాయా? అయితే, వాటిని మాఫీ చేయాలని లేదా జరిమానా మొత్తాన్ని తగ్గించాలని అనుకుంటే, ఈ రెండు పనులను లోక్ అదాలత్‌లో చేయవచ్చు. లోక్ అదాలత్‌లో మీ ఈ చలాన్‌ను రద్దు చేసే అవకాశం ఉంది. లేదా రూ.200కి తగ్గించే అవకాశం ఉంది. అయితే, దీని కోసం మొదటి ఆన్‌లైన్ రిజిస్ట్రేషన్ చేయవలసి ఉంటుంది. అలాగే స్లాట్‌ను బుక్ చేసుకోవాలి.