ప్రతినెలా రూ.1300 డిపాజిట్‌తో 27.60 లక్షల ఆదాయం..!

LIC Jeevan Umang: లైఫ్‌ ఇన్సూరెన్స్‌ కార్పొరేషన్‌ ఆఫ్‌ ఇండియా (LIC) వినియోగదారుల కోసం ఎప్పటికప్పుడు అద్భుతమైన పథకాలను ప్రవేశపెడుతుంది. ఇప్పుడు చెప్పే పాలసీలో పెట్టుబడి పెట్టడం ద్వారా మీరు మీ కుటుంబ భవిష్యత్తును సురక్షితంగా ఉంచుకోవచ్చు. ఈ పాలసీ పేరు ఎల్‌ఐసీ జీవన్ ఉమంగ్ పాలసీ. దీనిలో మీరు పెట్టుబడి పెట్టడం ద్వారా మంచి లాభాలను పొందవచ్చు. ఈ అద్భుతమైన పాలసీ గురించి మరిన్ని వివరాలు తెలుసుకుందాం.

ఎల్‌ఐసీ జీవన్ ఉమంగ్ పాలసీ

జీవన్ ఉమంగ్ పాలసీ అనేక అంశాలలో ఇతర పథకాల కంటే భిన్నంగా ఉంటుంది. 90 రోజుల నుంచి 55 ఏళ్ల లోపు వారు ఈ పాలసీని తీసుకోవచ్చు. ఇది ఎండోమెంట్ ప్లాన్. ఇందులో లైఫ్ కవర్‌తో పాటు మెచ్యూరిటీపై ఒకేసారి మొత్తం లభిస్తుంది. మెచ్యూరిటీ తర్వాత ప్రతి సంవత్సరం మీ ఖాతాలోకి స్థిర ఆదాయం వస్తుంది. మరోవైపు పాలసీదారు మరణించిన తర్వాత అతని కుటుంబ సభ్యులు, నామినీ ఏకమొత్తం అందిస్తారు. ఈ పథకం మరో విశేషం ఏంటంటే ఇది 100 సంవత్సరాల వరకు కవరేజీని అందిస్తుంది.

27.60 లక్షల సంపాదన

ఈ పాలసీలో మీరు ప్రతి నెలా రూ.1302 ప్రీమియం చెల్లిస్తే ఒక సంవత్సరంలో ఈ మొత్తం రూ.15,298 అవుతుంది. ఈ పాలసీని 30 ఏళ్ల పాటు అలాగే కొనసాగిస్తే ఆ మొత్తం దాదాపు రూ.4.58 లక్షలకు పెరుగుతుంది. మీ పెట్టుబడిపై 31వ సంవత్సరం నుంచి కంపెనీ ప్రతి సంవత్సరం 40 వేల రాబడిని అందిస్తుంది. 31 ఏళ్ల నుంచి 100 ఏళ్ల వరకు ఏటా 40 వేల రిటర్న్ తీసుకుంటే దాదాపు రూ.27.60 లక్షల మొత్తం అవుతుంది.

టర్మ్ రైడర్ ప్రయోజనం

ఈ పాలసీ ప్రకారం పెట్టుబడిదారుడు ప్రమాదవశాత్తూ మరణించినా లేదా వైకల్యం కలిగినా టర్మ్ రైడర్ ప్రయోజనం అందుబాటులో ఉంటుంది. ఈ విధానం మార్కెట్ రిస్క్‌తో ప్రభావితం కాదు. ఆదాయపు పన్ను సెక్షన్ 80C కింద ఈ పాలసీని తీసుకోవడంపై పన్ను మినహాయింపు అందుబాటులో ఉంది. ఎవరైనా జీవన్ ఉమంగ్ పాలసీ ప్లాన్ తీసుకోవాలనుకుంటే కనీసం రెండు లక్షల రూపాయల బీమా తీసుకోవాలని గుర్తుంచుకోండి.