Government Scheme: 5 ఏళ్లలో రూ.70 లక్షల ఆదాయం.. కళ్లు చెదిరే లాభాలిచ్చే ప్రభుత్వ పథకం..!

Post Office Small Saving Scheme: చిన్న పొదుపు పథకాలు సురక్షితమైన పెట్టుబడి ఎంపికగా పరిగణిస్తుంటారు. ఇందులో మంచి మొత్తాన్ని పెట్టుబడిగా పెట్టడం ద్వారా ఐదేళ్లు లేదా అంతకంటే ఎక్కువ కాలంలో మంచి మొత్తం సంపాదించవచ్చు. చిన్న పొదుపు పథకం కింద, పబ్లిక్ ప్రావిడెంట్ ఫండ్, NSC, సుకన్య సమృద్ధి యోజన, సీనియర్ సిటిజన్ సేవింగ్ స్కీమ్ వంటి పథకాలు ఎన్నో ఉన్నాయి. NSCలో పెట్టుబడి పెట్టడం ద్వారా మీరు ఎంత మొత్తాన్ని డిపాజిట్ చేయవచ్చో ఇప్పుడు తెలుసుకుందాం.

ఐదేళ్లపాటు నేషనల్ సేవింగ్స్ సర్టిఫికెట్‌లో ఇన్వెస్ట్ చేయగలిగితే.. ఈ మెచ్యూరిటీపై, మీరు 7.7% వార్షిక వడ్డీని పొందవచ్చు. ఇందులో పెట్టుబడి పరిమితి లేదు. మీకు కావలసినంత మొత్తంలో పెట్టుబడి పెట్టవచ్చు. రూ.లక్ష నుంచి రూ.50 లక్షల వరకు పెట్టుబడిపై ఐదేళ్లలో మీకు ఎంత మొత్తం వస్తుందనే పూర్తి లెక్కలు ఇప్పుడు చూద్దాం..

పన్ను ప్రయోజనాలు కూడా..

ఈ పథకాన్ని ప్రభుత్వం నిర్వహిస్తోంది. ఇందులో ఇన్వెస్ట్ చేసే వ్యక్తులు హామీతో కూడిన రాబడిని పొందుతారు. దీనితో పాటు, అనేక ఇతర సౌకర్యాల ప్రయోజనం కూడా లభించనుంది. ఇందులో పన్ను ఆదా అవుతుంది. దీని కింద ఏటా రూ.1.5 లక్షల వరకు ఆదా చేసుకోవచ్చు. ఆదాయపు పన్ను శాఖ సెక్షన్ 80సి కింద ఈ మినహాయింపు ఇవ్వనున్నారు.

రూ.1 లక్ష నుంచి రూ.50 లక్షల పెట్టుబడిపై ఎంత మొత్తం అందుతుంది?

మీరు రూ. 1 లక్ష పెట్టుబడి పెడితే, మీకు రూ. 44,903 వడ్డీ, ఐదేళ్లలో మొత్తం రూ. 1.44 లక్షల కార్పస్ ఫండ్ లభిస్తుంది.

రూ.5 లక్షల పెట్టుబడిపై ఐదేళ్లలో రూ.2.24 లక్షల వడ్డీ అందుతుంది. అంటే మొత్తం రూ.7.24 లక్షలు అన్నమాట.

మీరు రూ.10 లక్షలు పెట్టుబడి పెడితే, ఐదేళ్లలో మీకు రూ.4.49 లక్షల వడ్డీతో మొత్తం కార్పస్‌లో రూ.14.49 లక్షలు లభిస్తాయి.

రూ. 20 లక్షలు పెట్టుబడి పెడితే, మొత్తం వడ్డీ రూ. 8.98 లక్షలతో మెచ్యూరిటీ తర్వాత మొత్తం రూ. 28.98 లక్షలు అవుతుంది.

ఐదేళ్ల తర్వాత రూ.30 లక్షల పెట్టుబడిపై రూ.13.47 లక్షల వడ్డీ, మెచ్యూరిటీ తర్వాత మొత్తం రూ.43.47 లక్షలు అవుతుంది.

ఐదేళ్లపాటు రూ.40 లక్షలు పెట్టుబడి పెడితే, మొత్తం కార్పస్ రూ.57.96 లక్షలు అందనుంది. అందులో వడ్డీ రూ.17.96 లక్షలు అన్నమాట.

రూ. 50 లక్షలు పెట్టుబడి పెడితే, మెచ్యూరిటీలో మొత్తం రూ. 72.45 లక్షలు అందనుంది. మొత్తం వడ్డీ రూ. 22.45 లక్షలు.