Debit Card Safety Tips: డెబిట్ కార్డ్‌తో ఇలా చేస్తున్నారా.. తస్మాత్ జాగ్రత్త.. మోసపోయేందుకు అడుగు దూరంలోనే..!

Debit Card Tips: డెబిట్ కార్డ్‌ని సురక్షితంగా ఎలా ఉపయోగించాలో కచ్చితంగా తెలుసుకోవాల్సిందే. లేదంటే మీరు కష్టపడి సంపాదించిన డబ్బును సురక్షితంగా ఉంచుకోవడం చాలా కష‌్టం. లావాదేవీలు చేసేటప్పుడు మీ స్వంత భద్రత కోసం జాగ్రత్త వహించడం మంచిది. అన్ని ఆర్థిక అవసరాలను తీర్చడానికి, మీ వ్యక్తిగత భద్రతను పెంచడానికి, మోసం, దొంగతనం లాంటి ప్రమాదాలను తగ్గించడంలో కూడా జాగ్రత్త తీసుకోవాలి. ఇటువంటి పరిస్థితిలో కొన్ని సూచనలను పాటిస్తే.. డెబిట్ కార్డ్‌ను సురక్షితంగా ఉంచుకోవచ్చు.

డెబిట్ కార్డ్‌ను సురక్షితంగా ఉంచుకోవడానికి ఇలా చేయండి..

మీ పిన్‌ను గుర్తుంచుకోవాలి. డెబిట్ కార్డ్‌పై ఎక్కడా రాయవద్దు.

మీ కార్డులను నగదులాగా కాపాడుకోవాలి.

ATMలో లావాదేవీ చేస్తున్నప్పుడు మీ రసీదు తీసుకోవాలి.

అలాగే బయట ఏదైనా లావాదేవీ చేస్తే, అక్కడ రసీదు కూడా తీసుకోవాలి.

కార్డ్ పోయినా లేదా దొంగతనం జరిగినా వెంటనే రిపోర్ట్ చేయాలి. ఈ సమాచారాన్ని బ్యాంకుకు కూడా తెలియజేయాలి.

లావాదేవీలు చేసేటప్పుడు మీ కార్డుపై నిఘా ఉంచాలి.

మీ కార్డ్‌ని ఎవరికైనా ఇవ్వడం అంటే వారికి నగదు ఇవ్వడం లాంటిది కాబట్టి మీ కార్డ్‌ని ఎల్లప్పుడూ మీ వెంట తీసుకెళ్లండి.

ప్రతి కొనుగోలు తర్వాత మీరు మీ కార్డును తిరిగి పొందారని నిర్ధారించుకోవాలి. లావాదేవీ సమయంలో ఏదైనా అనుమానం కలిగితే దాని గురించి, వెంటనే ‌కి కాల్ చేసి, తెలియజేయాలి.

మీ బ్యాంక్ స్టేట్‌మెంట్‌ను ఎప్పటికప్పుడు చెక్ చేస్తూ ఉండండి.

అనుమానాస్పదంగా కనిపించే ఏ ప్రదేశంలోనైనా డెబిట్ కార్డ్‌ని స్వైప్ చేయవద్దు.

మీ కార్డును ఎవరికీ ఇవ్వకండి. మీ డెబిట్ కార్డ్‌ను అందరికీ కనిపించేలా ఉంచొద్దు.

ఆన్‌లైన్ లావాదేవీలు చేస్తున్నప్పుడు, మీ డెబిట్ కార్డ్ వివరాలను ఎక్కడైనా సేవ్ చేసే ముందు, వెబ్‌సైట్ సురక్షితంగా ఉందో లేదో తనిఖీ చేసుకోవాలి.