Credit Cards: క్రెడిట్ కార్డ్ బిల్లు చివరి రోజు కడితే క్రెడిట్ స్కోర్ పాడవుతుందా?

Credit Cards: ఈ రోజుల్లో క్రెడిట్ కార్డులు వాడే వారి సంఖ్య చాలా వేగంగా పెరుగుతోంది. ఇప్పుడు మెట్రో నగరాలే కాకుండా, చిన్న పట్టణాల్లో కూడా క్రెడిట్ కార్డుల వినియోగం ఎక్కువైంది. షాపింగ్ బిల్లుల నుండి ప్రయాణాలు, టికెట్ల బుకింగ్ వరకు చాలా వాటికి ప్రజలు క్రెడిట్ కార్డులను ఉపయోగిస్తున్నారు. అయితే, క్రెడిట్ కార్డుల వినియోగం ఎంత వేగంగా పెరిగిందో, బిల్లులు ఆలస్యం చేయడం లేదా చెల్లించకపోవడం కూడా అదే స్థాయిలో పెరిగింది. దీని కారణంగా చాలా మంది క్రెడిట్ స్కోర్ దెబ్బతింటోంది.

క్రెడిట్ కార్డులపై అనేక ప్రశ్నలు

అయితే క్రెడిట్ కార్డుల గురించి ప్రజల్లో చాలా ప్రశ్నలు ఉన్నాయి. వాటిలో ముఖ్యమైనది ఏమిటంటే, బిల్లింగ్ సైకిల్ చివరి రోజున క్రెడిట్ కార్డ్ బిల్లు చెల్లించడం వల్ల క్రెడిట్ స్కోర్ దెబ్బతింటుందా లేదా దానిపై ఏదైనా ప్రభావం ఉంటుందా? మీరు కూడా కార్డును ఉపయోగిస్తుంటే ఆ ప్రశ్నలన్నింటికీ సమాధానాలు తెలుసుకుందాం.

డ్యూ డేట్ తర్వాత క్రెడిట్ స్కోర్‌పై ప్రభావం

మీరు క్రెడిట్ బిల్లును డ్యూ డేట్ చివరి రోజున చెల్లించినట్లయితే దాని ప్రభావం మీ క్రెడిట్ స్కోర్‌పై ఉండదు. ఇది కేవలం ప్రజల అపోహ మాత్రమే. మీరు క్రెడిట్ కార్డ్ బిల్లును డ్యూ డేట్ తర్వాత చెల్లిస్తే మాత్రం మీ క్రెడిట్ స్కోర్ ఖచ్చితంగా దెబ్బతింటుంది.

లోన్ ఈఎంఐలు

ఇప్పటి వరకు మొబైల్, విద్యుత్ బిల్లులను సిబిల్ స్కోర్‌లో చేర్చలేదు. సిబిల్ స్కోర్‌లో కేవలం క్రెడిట్ బిల్లులు మాత్రమే ఉంటాయి. క్రెడిట్ బిల్లులు అంటే హోమ్ లోన్, కార్ లోన్, పర్సనల్ లోన్ ఈఎంఐలు. ఎవరైనా లోన్ ఈఎంఐలు లేదా క్రెడిట్ కార్డ్ బిల్లుల చెల్లింపులో ఆలస్యం చేస్తే లేదా చెల్లించడంలో విఫలమైతే, వారి సిబిల్ స్కోర్ దెబ్బతింటుంది.