LIC Policy: ఎల్‌ఐసీ నుంచి 'ధన్ వృద్ధి' ప్లాన్‌.. కళ్లు చెదిరే ప్రయోజనాలు.. సెప్టెంబర్ 30 వరకే అందుబాటులో..!

LIC Policy News: ఎప్పటికప్పుడు కస్టమర్ల కోసం అనేక కొత్త స్కీమ్‌లను ఎల్‌ఐసీ తీసుకోస్తుంది. అందులో మీరు మంచి రాబడితో పాటు భవిష్యత్తుకు హామీని పొందుతారు. వినియోగదారుల కోసం ఎల్‌ఐసీ మరో కొత్త పథకాన్ని తీసుకొచ్చింది. ఈ పథకంలో, 23 జూన్ 2023 నుంచి 30 సెప్టెంబర్ 2023 వరకు మాత్రమే దరఖాస్తు చేసుకోవచ్చు. సెప్టెంబర్ 30 తర్వాత, ఈ పాలసీ రద్దవుతుంది. ఆ తర్వాత దీని ప్రయోజనాన్ని పొందలేరు. ఈ పాలసీ పేరు, దాని ప్రత్యేకతలను ఇప్పుడు తెలుసుకుందాం..

జూన్ 23 నుంచి అందుబాటులోకి..

ప్రభుత్వ రంగ బీమా కంపెనీ ఎల్‌ఐసీ శుక్రవారం కొత్త ఫిక్స్‌డ్ టర్మ్ బీమా ప్లాన్ 'ధన్ వృద్ధి'ని ప్రవేశపెట్టింది. ఈ బీమా పథకం విక్రయాలు జూన్ 23 నుంచి ప్రారంభమైనట్లు లైఫ్ ఇన్సూరెన్స్ కార్పొరేషన్ ఆఫ్ ఇండియా (ఎల్‌ఐసీ) ఒక ప్రకటనలో తెలిపింది. LIC ప్రకారం, ధన్ వృద్ధి అనేది నాన్-లింక్డ్, నాన్-పార్టిసిపేటింగ్, వ్యక్తిగత, పొదుపు, సింగిల్ ప్రీమియం లైఫ్ ప్లాన్, ఇది రక్షణ, పొదుపు కలయికను అందిస్తుంది.

మరణించిన తర్వాత కుటుంబ సభ్యులకు పూర్తి డబ్బు..

పాలసీ ప్రోగ్రెస్‌లో ఉన్నప్పుడు హోల్డర్ మరణిస్తే, అతని కుటుంబ సభ్యులకు ఆర్థిక సహాయం అందించడానికి ఈ పథకంలో ఏర్పాటు చేశారు. అదే సమయంలో, మెచ్యూరిటీ వ్యవధి పూర్తయిన తర్వాత గ్యారెంటీ మొత్తం ఇవ్వాలనే నిబంధన కూడా అందులో ఉంది.

పాలసీని ఎన్ని సంవత్సరాలకు తీసుకోవచ్చు?

ఈ పథకం 10, 15, 18 సంవత్సరాల కాలానికి అందుబాటులో ఉంటుంది. ఇది రూ. 1.25 లక్షల కనీస ప్రాథమిక స్థిర మొత్తాన్ని అందిస్తుంది. దీనిని రూ. 5,000 గుణకాలలో కూడా పెంచవచ్చు.

పన్ను మినహాయింపు ప్రయోజనం..

ఈ ప్లాన్‌లో ప్రవేశించడానికి గరిష్ట వయస్సు 32 నుంచి 60 సంవత్సరాల వరకు ఉంటుంది. ఈ ప్లాన్ పెట్టుబడిదారులు దీన్ని ఎప్పుడైనా సరెండర్ చేయవచ్చు. 80C కింద రూ. 1.5 లక్షల వరకు పన్ను మినహాయింపును కూడా పొందవచ్చు.

ఒకే ప్రీమియం పాలసీ..

ఈ పాలసీ జీవిత బీమా సింగిల్ ప్రీమియం పాలసీ. ఈ పాలసీ వ్యవధిలో పొదుపు, రక్షణ కలయికను అందిస్తుంది. లైఫ్ ఇన్సూరెన్స్ ఆఫ్ ఇండియా వెబ్‌సైట్ ప్రకారం, ఈ పాలసీ రూ. 1,000 హామీ మొత్తంపై రూ. 75 వరకు అదనపు హామీని ఇస్తుంది.