7th Pay Commission: ఉద్యోగులకు గుడ్‌న్యూస్.. భారీగా పెరగనున్న జీతం.. ఎప్పటినుంచంటే?

DA Hike Latest Update: కేంద్ర ఉద్యోగులకు కరువు భత్యం చివరిసారిగా మార్చి, 2023లో ప్రకటించారు. అప్పట్లో ప్రభుత్వం డీఏను 38 శాతం నుంచి 42 శాతానికి పెంచింది. ఇప్పుడు తదుపరి డియర్‌నెస్ అలవెన్స్ జులై 1 నుంచి వర్తిస్తుంది. అయితే సెప్టెంబరులోగా ప్రకటన వెలువడే అవకాశం ఉంది. ప్రభుత్వ ఉద్యోగుల కరువు భత్యాన్ని ప్రతి ఆరు నెలలకోసారి పెంచుతుంటారు. ద్రవ్యోల్బణానికి అనుగుణంగా డీఏ పెరగడం వల్ల జీతం బాగా పెరిగింది. ఫిట్‌మెంట్ ఫ్యాక్టర్, అప్రైజల్ ఆధారంగా ఉద్యోగుల జీతం పెరుగుతుంది. ఫిట్‌మెంట్ ఫ్యాక్టర్ పెరిగే కొద్దీ జీతం ఆటోమేటిక్‌గా పెరుగుతుంది. ఫిట్‌మెంట్ ఫ్యాక్టర్, మదింపు లేకుండానే ఉద్యోగుల మూల వేతనాన్ని భారీగా పెంచబోతున్నట్లు వార్తలు వస్తున్నాయి.

డీఏ బేసిక్‌లో విలీనం చేయడం వల్ల పెరగనున్న జీతం..

2016లో ప్రభుత్వం 7వ వేతన సంఘాన్ని అమలు చేసింది. ఆ సమయంలో కరువు భత్యాన్ని జీరోగా చేశారు. జీరో డీఏ కారణంగా, ఉద్యోగుల మునుపటి డియర్‌నెస్ అలవెన్స్‌ను బేసిక్ వేతనంలో చేర్చారు. ఇప్పుడు మరోసారి ఇదే పరిస్థితి రాబోతోంది. దీంతో ఉద్యోగుల కనీస బేసిక్ వేతనం రూ.18,000 నుంచి రూ.27,000కి పెరగనుంది. డియర్‌నెస్ అలవెన్స్‌ను బేసిక్ జీతంతో విలీనం చేయడం వల్ల బేసిక్ పెరుగుతుంది.

వేతన సవరణ కోసం సుదీర్ఘ నిరీక్షణ..

డియర్‌నెస్ అలవెన్స్ (డీఏ) 50 శాతం ఉన్నప్పుడు దానిని జీరోకి తగ్గిస్తామని 2016 సంవత్సరపు మెమోరాండమ్‌లో రాశారు. అంటే ఇప్పుడు అందుతున్న డియర్‌నెస్ అలవెన్స్ 42 శాతంగా ఉంది. సున్నా తర్వాత అది 1 శాతం, 2 శాతం నుంచి ప్రారంభమవుతుంది. వాస్తవానికి, 50 శాతం డియర్‌నెస్ అలవెన్స్ (DA Hike) ఉన్న వెంటనే అది బేసిక్ శాలరీకి జోడించబడుతుంది. దీంతో ఉద్యోగులు వేతన సవరణ కోసం ఎక్కువసేపు వేచి ఉండాల్సిన అవసరం లేదు.

ఉద్యోగుల జీతం ఎంత మేర పెరుగుతుంది?

ప్రస్తుతం పే బ్యాండ్ లెవల్-1లో రూ.18,000 బేసిక్ వేతనం ఉంది. ప్రస్తుతం దీనిపై రూ.7560 డియర్‌నెస్ అలవెన్స్ అందుబాటులో ఉంది. కానీ, 50 శాతం డియర్‌నెస్ అలవెన్స్‌పై, ఈ మొత్తం రూ.9000కి పెరుగుతుంది. 50 శాతం డీఏ ఉన్నప్పుడు దాన్ని బేసిక్ వేతనంతో కలిపి జీరోకు తగ్గించాలన్నది నిబంధన. అంటే ప్రస్తుతం ఉన్న రూ.18,000 మూల వేతనం రూ.27000కి పెరగనుంది. దీని తర్వాత, డియర్‌నెస్ అలవెన్స్ రూ.27,000 బేసిక్ జీతంపై లెక్కించనున్నారు.

బేసిక్ జీతం ఎప్పుడు పెరుగుతుంది?

ప్రస్తుతం కేంద్ర ఉద్యోగులకు 42 శాతం డియర్‌నెస్ అలవెన్స్ ప్రకారం జీతాలు అందుతున్నాయి. జులై 2023 సవరణ ఆధారంగా, ఇది 4 శాతం నుంచి 46 శాతానికి పెరుగుతుంది. దీని తర్వాత, 2024 జనవరిలో కూడా డియర్‌నెస్ అలవెన్స్ 4 శాతం పెరిగితే, అది 50 శాతం అవుతుంది. ఇది 50% అయితే, జనవరి 2024 నుంచి డియర్‌నెస్ అలవెన్స్ సున్నా అవుతుంది. అంటే, జులై 2024 నుంచి, ఉద్యోగులు పెరిగిన బేసిక్ జీతం ప్రయోజనం పొందుతారు. దీని ఆధారంగా వారు DA కూడా పొందుతారు.