Bank Holidays: బ్యాంక్‌ ఉద్యోగులకు కేంద్రం గుడ్ న్యూస్.. ఇకపై వారంలో 5 రోజులే వర్కింగ్..?

Bank Holidays: బ్యాంక్ ఉద్యోగస్తులకు త్వరలో గుడ్ న్యూస్ అందనుంది. ముఖ్యంగా ప్రభుత్వ బ్యాంకులు వారానికి 5 రోజులు మాత్రమే పని చేసేందుకు సిద్ధమయ్యాయి. అంటే ప్రభుత్వ రంగ బ్యాంకుల ఉద్యోగులకు వారంలో రెండు రోజులు సెలవులు లభిస్తాయి. ఆర్థిక మంత్రిత్వ శాఖ ఆమోదం తెలిపే నోటిఫికేషన్‌ను త్వరలో విడుదల చేయనుంది. ప్రభుత్వ బ్యాంకు ఉద్యోగులు చాలా కాలంగా ఈ డిమాండ్ చేస్తున్న సంగతి తెలిసిందే. CNBC ఆవాజ్ నివేదిక ప్రకారం, బ్యాంకుల ఈ డిమాండ్‌పై ఇండియన్ బ్యాంక్స్ అసోసియేషన్ ప్రభుత్వానికి ప్రతిపాదన పంపింది. ఇప్పుడు త్వరలో వేజ్‌ బోర్డు సవరణతో ఈ నోటిఫికేషన్‌ కూడా వెలువడవచ్చని తెలుస్తోంది. దీంతో ప్రభుత్వ రంగ బ్యాంకులకు రెండు రోజులు సెలవులు ఉండనున్నాయి. అంటే వారంలో శని, ఆదివారాలు బ్యాంకులకు సెలవులు ఉంటాయి.

పని గంటలు అదనంగా 40 నిమిషాలు..

కోవిడ్ మహమ్మారి ప్రారంభంలో, ప్రభుత్వ రంగ బ్యాంకులు వారానికి 5 రోజుల డిమాండ్ చేశాయి. బ్యాంక్ యూనియన్ల ప్రతిపాదనను IBA రద్దు చేసింది. ప్రతిఫలంగా, IBA 19 శాతం జీతం పెంపు ప్రతిపాదనను ముందుకు తెచ్చింది. జనవరి 2023లో, యునైటెడ్ ఫోరమ్ ఆఫ్ బ్యాంక్ యూనియన్స్ కూడా 5-రోజుల బ్యాంకింగ్, పెన్షన్‌లో మార్పులు, అన్ని విభాగాల్లో నియామకం వంటి డిమాండ్లతో రెండు రోజుల సమ్మెను ప్రకటించింది.

తర్వాత ఫిబ్రవరి 2023లో, 5 రోజుల పని చేయాలనే బ్యాంక్ యూనియన్ల డిమాండ్‌ను పరిగణనలోకి తీసుకుంటామని IBA తెలిపింది. అయితే పని గంటలను ప్రతిరోజూ 40 నిమిషాలు పెంచవచ్చు. ఒక నివేదిక ప్రకారం, ఉద్యోగులు ప్రతిరోజూ ఉదయం 9.45 నుంచి సాయంత్రం 5.30 వరకు పని చేయాల్సి ఉంటుంది.

మేలో 11 రోజుల పాటు బ్యాంకులకు సెలవులు..

మరోవైపు మే నెలలో 11 రోజుల పాటు బ్యాంకులు మూతపడనున్నాయి. బుద్ధ పూర్ణిమ, మహారాణా ప్రతాప్ జయంతి, రవీంద్రనాథ్ ఠాగూర్ జయంతి వంటి అనేక పండుగల సందర్భంగా మే నెలలో బ్యాంకులకు సెలవులు ఉంటాయి. అంతకుముందు ఏప్రిల్‌లో మొత్తం 15 రోజుల పాటు బ్యాంకులు మూతపడ్డాయి. బ్యాంకుల్లో సెలవులు ఒక్కో రాష్ట్రంలో ఒక్కో విధంగా ఉంటాయి. ఏదైనా రాష్ట్రంలో బ్యాంకులకు సెలవులు ఉంటే, మీ ఆర్థిక లావాదేవీలు మొబైల్, ఇంటర్నెట్ బ్యాంకింగ్ ద్వారా చేసుకోవచ్చు.