Fixed Deposit Rate: ఫాస్ట్‌ట్యాగ్‌ వినియోగదారులకు గుడ్‌న్యూస్.. ఇకపై మీ అకౌంట్‌లోకి భారీగా వడ్డీ.. ఎలాగంటే?

Fixed Deposit Rate: మీ కారులో ఫాస్ట్‌ట్యాగ్ ఇన్‌స్టాల్ చేశారా.. రీఛార్జ్ చేసిన తర్వాత, మీరు డబ్బును ఉపయోగించే వరకు డబ్బు దానిలోనే ఉంటుందని తెలిసిందే. ఫాస్ట్‌ట్యాగ్‌పై వడ్డీ చెల్లింపు, కార్డ్‌లో అవసరమైన కనీస మొత్తాన్ని కోరుతూ దాఖలైన పిటిషన్‌పై ఢిల్లీ హైకోర్టు NHAI, కేంద్రం నుంచి రిప్లై అడిగింది. ఫాస్టాగ్‌లో డిపాజిట్ చేసిన మొత్తానికి వడ్డీ చెల్లించేలా బ్యాంకులను ఆదేశించాలని పిటిషన్‌లో పేర్కొంది. ఈ పిటిషన్‌పై ప్రధాన న్యాయమూర్తి సతీష్ చంద్ర శర్మ, జస్టిస్ సుబ్రమణ్యం ప్రసాద్‌లతో కూడిన ధర్మాసనం ఎన్‌హెచ్‌ఏఐ, రోడ్డు రవాణా, రహదారుల మంత్రిత్వ శాఖకు నోటీసులు జారీ చేసింది.

తదుపరి విచారణను ఆగస్టు 10కి వాయిదా..

ఫాస్ట్‌ట్యాగ్‌తో వేల కోట్ల మంది ప్రయాణికులు బ్యాంకింగ్ వ్యవస్థలోకి వచ్చారని, ఎన్‌హెచ్‌ఏఐకి గానీ, రోడ్డు రవాణా, రహదారుల మంత్రిత్వ శాఖకు గానీ ఎలాంటి ప్రయోజనం లేకుండా పోయిందని కోర్టులో పిటిషన్ దాఖలు చేసింది. దీనికి సంబంధించి సమాధానం ఇచ్చేందుకు కోర్టు నాలుగు వారాల గడువు ఇచ్చింది. తదుపరి విచారణకు ఆగస్టు 10వ తేదీని నిర్ణయించారు. ఫాస్ట్‌ట్యాగ్ లేని వాహనాలకు రెట్టింపు టోల్ ట్యాక్స్ చెల్లించాలనే నిబంధనను కూడా దరఖాస్తులో సవాలు చేశారు. నగదు చెల్లింపు కోసం రెట్టింపు రేటుతో టోల్ వసూలు చేసే అధికారం NHAIకి ఉన్నందున ఈ నియమం వివక్షాపూరితం, ఏకపక్షం, ప్రజా ప్రయోజనాలకు విరుద్ధమని పిటిషన్ పేర్కొంది.

బ్యాంకింగ్ వ్యవస్థలో చేరిన పిటిషనర్ రవీంద్ర త్యాగి తరపు న్యాయవాది ప్రవీణ్ అగర్వాల్ మాట్లాడుతూ, ఫాస్టాగ్ సేవ ప్రారంభమైన తర్వాత, బ్యాంకింగ్ వ్యవస్థలో రూ. 30,000 కోట్లకు పైగా మొత్తం చేర్చబడిందని దరఖాస్తులో తెలిపారు. ఈ లెక్కన ఏడాదికి 8.25 శాతం ఫిక్స్‌డ్ డిపాజిట్ (ఎఫ్‌డీ) రేటును వర్తింపజేస్తే, ఎన్‌హెచ్‌ఏఐ లేదా రోడ్డు రవాణా, రహదారుల మంత్రిత్వ శాఖ ప్రతి సంవత్సరం రూ.2,000 కోట్లకు పైగా లాభం పొందుతుందని పిటిషన్‌లో పేర్కొంది.

'ప్రస్తుతం ఈ డబ్బును బ్యాంకులు/ఆర్థిక సంస్థలు ఉచితంగా వినియోగిస్తున్నాయి. ఈ మొత్తంపై వడ్డీ NHAI/మినిస్ట్రీ ఆఫ్ రోడ్ ట్రాన్స్‌పోర్ట్ అండ్ హైవేస్ లేదా ప్రయాణీకులకు చెందినది. ఇది రోడ్డు/హైవే/ప్రయాణికుల ప్రయోజనం కోసం ఉపయోగించాలి. ఈ పిటిషన్‌లో ఫాస్టాగ్ వడ్డీ నుంచి వచ్చిన మొత్తానికి 'యాత్రి కళ్యాణ్ కోష్' పేరుతో ప్రత్యేక నిధిని సిద్ధం చేయాలని పరిపాలనను ఆదేశించాలని కూడా విజ్ఞప్తి చేశారు.