మీ ఇంట్లో ఈ సంకేతాలు కనిపిస్తున్నాయా? లక్ష్మీదేవి కటాక్షం మీ మీదే!

భారతీయ సంప్రదాయంలో శ్రీ మహాలక్ష్మి ఐశ్వర్యానికి అధిష్ఠాన దేవతగా భావిస్తారు. జ్యోతిష్యం, వాస్తు శాస్త్రాల ప్రకారం లక్ష్మీ కటాక్షం ఉన్నవారికి ఆర్థిక సమస్యలు తలెత్తవు. ఆమె అనుగ్రహానికి కొన్ని ప్రత్యేక సంకేతాలు ఉంటాయి. ఇవి కనిపిస్తే, మీరు డబ్బు సంపాదించే మార్గంలో ఉన్నారని నమ్ముతారు. అలాంటి సంకేతాలు ఏమిటో చూద్దాం.

గుడ్లగూబ దర్శనం

శ్రీ మహాలక్ష్మికి వాహనంగా భావించే గుడ్లగూబ అనుకోకుండా మీ ఇంటి వద్ద కనిపిస్తే, అది డబ్బు లాభానికి శుభసూచకంగా భావిస్తారు. ఇది అజ్ఞానం తొలగిపోయి సంపద రాబోయే సంకేతంగా చెప్పబడుతుంది.

శంఖ నాదం

ఉదయం లేదా సాయంత్రం శంఖం శబ్దం వినిపిస్తే, ఆర్థికంగా ఎదుగుదల జరగబోతుందని సంకేతం. సముద్ర మథనంలో లభించిన పవిత్ర వస్తువు కావడంతో శంఖం మహాలక్ష్మికి అత్యంత ప్రీతిపాత్రం.

పిచ్చుక రాక

పిచ్చుకను భారతీయ సంప్రదాయంలో శుభానికి, తెలివితేటలకు చిహ్నంగా చూస్తారు. ఏ ఇంట్లోనైనా పిచ్చుక వచ్చి కూర్చుంటే, ఆ ఇంటిపై లక్ష్మీదేవి దయ కురుస్తుందని విశ్వాసం.

కలలో కమలం పువ్వు

కలల్లో కమలం పువ్వు కనిపించడం కూడా శుభసూచకం. మహాలక్ష్మికి కమలం అత్యంత ఇష్టమైన పువ్వు కావడంతో, ఇది డబ్బు, శాంతి, విజయానికి సంకేతంగా చెప్పబడుతుంది.

మహాలక్ష్మి అనుగ్రహం పొందాలంటే?

ప్రతిరోజూ స్నానం చేసిన తర్వాత పవిత్ర మనసుతో శ్రీ మహాలక్ష్మిని పూలు, దీపం, నైవేద్యాలతో పూజించాలి. ఇలా చేస్తే అడ్డంకులు తొలగి, శాంతి, ఐశ్వర్యం లభిస్తాయని వేదాలు చెబుతున్నాయి.