Volkswagen Big Discount: ఆఫర్ల జాతర మొదలు.. వోక్స్‌వ్యాగన్ ఈ కార్లపై లక్షల్లో డిస్కౌంట్లు..!

Volkswagen Big Discount: జర్మన్ లగ్జరీ కార్ల తయారీ సంస్థ వోక్స్‌వ్యాగన్ తన కార్ల అమ్మకాలను పెంచడానికి ఈ నెలలో అతిపెద్ద తగ్గింపును అందిస్తోంది. ఈ మార్చి నెలలో మీరు రూ.4.20 లక్షల వరకు భారీగా పొదుపు చేసుకోవచ్చు. వాస్తవానికి, కంపెనీ తన కార్ల పాత స్టాక్‌ను (MY2024 స్టాక్) క్లియర్ చేసే పనిలో నిమగ్నమైంది. ఈ నేపథ్యంలో ఏ కారుపై ఎంత డిస్కౌంట్ ఇస్తున్నారో తెలుసుకుందాం.

వోక్స్‌వ్యాగన్ తన కాంపాక్ట్ ఎస్‌యూవీ టైగన్‌పై రూ. 2 లక్షల వరకు ఆదా చేసుకోవచ్చు. 2024లో మిగిలిన యూనిట్లపై ఈ తగ్గింపు అందుబాటులో ఉంది. ఇందులో లాయల్టీ బోనస్, క్యాష్ డిస్కౌంట్, స్క్రాపేజ్, ఎక్స్ఛేంజ్ బోనస్ వంటి ఆఫర్‌లు ఉన్నాయి. అలానే టైగన్ 2025 మోడల్‌పై రూ. 1 లక్ష వరకు ఆఫర్‌లు అందిస్తుంది. ఎస్‌యూవీ ఎక్స్-షోరూమ్ ధర రూ. 10.89 లక్షల నుండి రూ. 19.08 లక్షల వరకు ఉంది.

ఈ మార్చి నెలలో వోక్స్‌వ్యాగన్ వర్టస్‌పై రూ.1.5 లక్షల వరకు తగ్గింపును అందిస్తోంది. ఈ ఆఫర్ దాని 2024 మోడల్స్‌పై ఇస్తున్నారు. 2025 మోడల్స్‌లో కూడా రూ.50,000 వరకు ఆదా చేసుకోవచ్చు. ఈ సెడాన్ కారు ఎక్స్-షోరూమ్ ధర రూ.10.34 లక్షల నుంచి రూ.19 లక్షల వరకు ఉంది. ఈ కారులో అనేక గొప్ప ఫీచర్స్ ఉన్నాయి.

ఫోక్స్‌వ్యాగన్ తన ఫ్లాగ్‌షిప్ ఎస్‌యూవీ టిగువాన్‌పై మార్చి నెలలో రూ. 4.20 లక్షల వరకు తగ్గింపును అందించింది. ఇది ఈ కారు పాత మోడల్‌పై ఉంది. ఇందులో క్యాష్ డిస్కౌంట్, లాయల్టీ బోనస్, ఎక్స్‌ఛేంజ్ బోనస్ ఉన్నాయి. ఫోక్స్‌వ్యాగన్ భారత్‌లో తన పోర్ట్‌ఫోలియోను విస్తరించేందుకు సన్నాహాలు చేస్తోంది. త్వరలో భారత్‌లో రెండు కొత్త కార్లు విడుదల కానున్నాయి.