Toyota Hilux Black Edition: ఫ్యూర్ బ్లాక్‌లో హిలక్స్ పికప్ ట్రక్.. దీని ముందు జేసీబీ కూడా పనికిరాదు

Toyota Hilux Black Edition: టయోటా కిర్లోస్కర్ మోటార్ ఒక ప్రసిద్ధ ఆటోమొబైల్ తయారీ సంస్థ. దేశీయ మార్కెట్లో కంపెనీ గ్లాంజా, అర్బన్ క్రూయిజర్ హైరైడర్, అర్బన్ క్రూయిజర్ టైజర్, ఇన్నోవాతో సహా వివిధ కార్లను విజయవంతంగా విక్రయిస్తోంది. 2022లో కంపెనీ 'హిలక్స్ పికప్ ట్రక్'ను ప్రారంభించింది. ప్రస్తుతం దీన్ని అప్‌గ్రేడ్ చేసింది. ఈ ట్రక్ 'బ్లాక్ ఎడిషన్' మోడల్ కూడా న్యూఢిల్లీలోని భారత్ మొబిలిటీ గ్లోబల్ ఎక్స్‌పోలో ఆవిష్కరించింది.

టయోటా హిలక్స్ బ్లాక్ ఎడిషన్ పికప్ ట్రక్ సాధారణ 'హిలక్స్'తో పోలిస్తే ఎక్స్‌టీరియ్‌లో బ్లాక్ కలర్ థీమ్‌ను కలిగి ఉంది. దీని గ్రిల్, అల్లాయ్ వీల్స్, రియర్‌వ్యూ మిర్రర్స్, డోర్ హ్యాండిల్స్ కూడా బ్లాక్ కలర్‌లో ఉంటాయి. ఇది మాత్రమే కాదు, ఇది పాత మోడల్ మాదిరిగానే ప్రొజెక్టర్ ఎల్‌ఈడీ హెడ్‌లైట్లు, ఎల్‌‌ఈడీ టెయిల్ లైట్లను పొందుతుంది.

కొత్త టయోటా హిలక్స్ బ్లాక్ ఎడిషన్ పికప్ ట్రక్ క్యాబిన్ కూడా అదే బ్లాక్ కలర్ థీమ్‌‌లో ఉంటుంది. ఇందులో 5 సీట్ల ఉంటాయి. లగేజీని తీసుకెళ్లడానికి 435-లీటర్ బూట్ స్పేస్‌ను కలిగి ఉంది.

ఈ కారు డజన్ల కొద్దీ ఆకర్షణీయమైన ఫీచర్లు ఉన్నాయి. 8-అంగుళాల టచ్‌స్క్రీన్ ఇన్ఫోటైన్‌మెంట్ సిస్టమ్, ఆండ్రాయిడ్ ఆటో, ఆపిల్ కార్ ప్లే, అనలాగ్ ఇన్‌స్ట్రుమెంట్ క్లస్టర్, పుష్-బటన్ స్టార్ట్/స్టాప్, డ్యూయల్-జోన్ ఆటో క్లైమేట్ కంట్రోల్, డ్యూయల్-జోన్ AC, కూల్డ్ గ్లోవ్‌బాక్స్, 6-స్పీకర్ సౌండ్ సిస్టమ్, కూల్డ్ గ్లోవ్‌బాక్స్, 6- స్పీకర్ సౌండ్ సిస్టమ్‌ ఉంది.

కొత్త టయోటా హిలక్స్ బ్లాక్ ఎడిషన్ పవర్‌ట్రెయిన్ ఎంపికలో కూడా ఎలాంటి మార్పులు చేయలేదు. ఇందులో 2.8-లీటర్ డీజిల్ ఇంజన్ ఆప్షన్ ఉంది. మోడల్ 6-స్పీడ్ మ్యాన్యువల్ గేర్‌బాక్స్‌తో 204 పిఎస్ హార్స్‌పవర్, 420ఎన్ఎమ్ గరిష్ట టార్క్‌ను విడుదల చేస్తుంది.

6-స్పీడ్ ఆటోమేటిక్ గేర్‌బాక్స్ పొందే మరో మోడల్ 204 పిఎస్ హార్స్‌పవర్, 500 ఎన్ఎమ్ గరిష్ట టార్క్‌ను ఉత్పత్తి చేస్తుంది. 4WD (ఫోర్-వీల్ డ్రైవ్) టెక్నాలజీని కలిగి ఉంటుంది. ఇది 12కెఎమ్‌పిఎల్ వరకు మైలేజీని ఇస్తుంది.

కొత్త హిలక్స్ బ్లాక్ ఎడిషన్‌లో భద్రత పరంగా.. 7-ఎయిర్‌బ్యాగ్‌లు, VSC (వెహికల్ స్టెబిలిటీ కంట్రోల్), బ్రేక్ అసిస్ట్, ఫ్రంట్, రియర్ పార్కింగ్ సెన్సార్లు, రివర్సింగ్ కెమెరాలు ఉన్నాయి. అలానే ఈ కారు త్వరలో సేల్‌కి రానుంది. దీని ప్రారంభ ధర రూ.30 లక్షలు (ఎక్స్-షోరూమ్).