5-Star Safety Rating Cars: మీ ఫ్యామిలీ సేఫ్టీకి గ్యారెంటీ.. 5-స్టార్ సేఫ్టీ రేటింగ్ ఉన్న 5 ఎలక్ట్రిక్ కార్లు ఇవే!

5-Star Safety Rating Cars: కొత్త కారు కొనేటప్పుడు దాని సేఫ్టీ చాలా ముఖ్యం. ముఖ్యంగా ఎలక్ట్రిక్ కారు కొనాలని ప్లాన్ చేస్తున్నట్లు అయితే దానికి సంబంధించిన అన్ని ఫీచర్ల గురించి తెలుసుకోవాలి. ప్రస్తుతం మన దేశంలో ప్రజలు కారు కొనేటప్పుడు సేఫ్టీకి చాలా ప్రాధాన్యత ఇస్తున్నారు. దీన్ని దృష్టిలో పెట్టుకుని, పెద్ద పెద్ద కార్ల కంపెనీలు కూడా సేఫ్టీ ఫీచర్లను ఎక్కువగా ఇస్తున్నాయి. తాజాగా, భారత్ ఎన్‌క్యాప్ క్రాష్ టెస్టుల్లో ఐదు ఎలక్ట్రిక్ కార్లకు ఏకంగా 5-స్టార్ సేఫ్టీ రేటింగ్ వచ్చింది!

ఈ లిస్ట్‌లో మొదటగా చెప్పుకోవాల్సింది టాటా హారియర్ ఈవీ గురించి. దీనికి పెద్దల భద్రతకు 32కు 32 మార్కులు, పిల్లల భద్రతకు 49కు 45 మార్కులు వచ్చాయి. అంటే ఇది చాలా సురక్షితమైనది అని అర్థం. మహీంద్రా నుంచి కూడా రెండు ఎలక్ట్రిక్ ఎస్‌యూవీలు – మహీంద్రా ఎక్స్‌ఈవీ 9ఇ, మహీంద్రా బీఈ 6 – 5-స్టార్ రేటింగ్‌ను పొందాయి. ఈ రెండు కార్లు కూడా పెద్దల భద్రతలో మంచి మార్కులు సాధించాయి.

టాటా మోటార్స్ నుంచి ఇంకో రెండు ఎలక్ట్రిక్ కార్లు కూడా ఈ లిస్ట్‌లో ఉన్నాయి. అవి టాటా పంచ్ ఈవీ, టాటా కర్వ్ ఈవీ. ఈ రెండు కార్లు కూడా భారత్ ఎన్‌క్యాప్ టెస్టుల్లో 5-స్టార్ రేటింగ్ సాధించి, సేఫ్టీ విషయంలో టాప్ లో ఉన్నాయని నిరూపించాయి. మొత్తం మీద, ఈ ఐదు ఎలక్ట్రిక్ కార్లు కుటుంబంతో ప్రయాణించడానికి అత్యంత సురక్షితమైనవిగా నిలిచాయి. మీరు ఎలక్ట్రిక్ కారు కొనేటప్పుడు ఈ లిస్ట్‌ను పరిశీలించవచ్చు.