Tata Tigor Price Hikes: టాటా కార్లు కొనేవారికి షాక్.. ఈ మోడళ్ల ధరలు పెంపు.. కొత్త రేట్లు ఎలా ఉన్నాయంటే..?

Tata Tigor Price Hikes: భారతదేశపు ప్రముఖ ఆటోమొబైల్ తయారీ సంస్థ టాటా మోటార్స్ అనేక విభాగాలలో వాహనాలను విక్రయిస్తుంది. కంపెనీ కాంపాక్ట్ సెడాన్ కారుగా అందిస్తున్న టాటా టిగోర్ ధరలు పెరిగాయి. దీనిలోని ఏ వేరియంట్‌ల ధరలను టాటా పెంచింది, ఇప్పుడు ఈ కారును ఎంత ధరకు కొనవచ్చు, ధర ఎంత, తదితర వివరాలు తెలుసుకుందాం.

కాంపాక్ట్ సెడాన్ కార్ల విభాగంలో టాటా మోటార్స్ అందిస్తున్న టాటా టిగోర్‌ను కొనడం ఇప్పుడు ఖరీదైనదిగా మారింది. కంనీ దీని ధరలను రూ. 10,000 వరకు పెంచింది. ఈ కొత్త పెరిగిన ధరను వెబ్‌సైట్‌లో కూడా అప్‌డేట్ చేశారు. బేస్ వేరియంట్ ధరలో ఎటువంటి మార్పు చేయలేదు.

టిగోర్ రెండవ బేస్ వేరియంట్ నుండి ధరలు పెరిగాయి. XE వేరియంట్, XZ ప్లస్ లక్స్ ధరలో ఎటువంటి మార్పు లేదు. XM, XZ, XZ ప్లస్ ధరలను రూ.10,000 పెంచారు. ఆటోమేటిక్, CNG లోని అన్ని వేరియంట్ల ధరలు కూడా అప్‌గ్రేడ్ చేశారు. CNGలో XZ ప్లస్ లక్స్ ధర మాత్రమే మారలేదు.

టాటా టిగోర్ XE వేరియంట్ ఎక్స్-షోరూమ్ ధర రూ. 6 లక్షలు మాత్రమే. దీని తర్వాత, XM కొత్త ధర రూ. 6.80 లక్షలుగా, XZ కొత్త ధర రూ. 7.40 లక్షలు, XZ ప్లస్ కొత్త ధర రూ. 8 లక్షలుగా ఉంచారు. దాని ఆటోమేటిక్ వేరియంట్ల ఎక్స్-షోరూమ్ ధర రూ. 7.35 లక్షల నుండి రూ. 8.55 లక్షల వరకు ఉంటుంది. సీఎన్‌జీలో దీని ఎక్స్-షోరూమ్ ధర రూ. 7.80 లక్షల నుండి రూ. 9.55 లక్షల మధ్య ఉంచారు.

కాంపాక్ట్ సెడాన్ కార్ల విభాగంలో టిగోర్‌ను టాటా అందిస్తోంది. ఈ విభాగంలో, ఇది మారుతి సుజుకి డిజైర్, హోండా అమేజ్, హ్యుందాయ్ ఆరాతో నేరుగా పోటీపడుతుంది. ధర పరంగా, ఇది మారుతి సుజుకి, హ్యుందాయ్, టయోటా నుండి అనేక హ్యాచ్‌బ్యాక్‌లు ,మారుతి సుజుకి, హ్యుందాయ్, మహీంద్రా, కియా, స్కోడా, టయోటా నుండి కాంపాక్ట్ ఎస్‌యూవీ సెగ్మెంట్ కార్ల నుండి పోటీని ఎదుర్కొంటుంది.