Automatic CNG Cars: సీఎన్‌జీ ఏఎంటీ వేరియంట్‌లో వచ్చిన టాటా కార్లు.. లేటేస్ట్ ఫీచర్లు చూస్తే మతిపోవాల్సిందే.. ధరలు ఎలా ఉన్నాయంటే?

Tata Tiago and Tigor iCNG AMT Launched: దేశంలోని ప్రముఖ ఆటోమొబైల్ తయారీ సంస్థ టాటా మోటార్స్ దేశీయ విపణిలో ఈ రోజు వరకు మరే ఇతర కార్ తయారీదారులు చేయని పనిని చేసింది. టాటా మోటార్స్ దేశంలోని మొట్టమొదటి ఆటోమేటిక్ CNG కార్ల శ్రేణిని అధికారికంగా విక్రయానికి విడుదల చేసింది.

కంపెనీ తన చౌకైన హ్యాచ్‌బ్యాక్ టియాగో CNG AMT, ఆటోమేటిక్ ట్రాన్స్‌మిషన్ గేర్‌బాక్స్‌తో సరసమైన సెడాన్ కారు Tigor CNG AMTని విడుదల చేసింది. ఈ కొత్త CNG ఆటోమేటిక్ రేంజ్ ప్రారంభ ధర కేవలం రూ.7.89 లక్షలుగా నిర్ణయించారు.

Tiago iCNG AMT ఆటోమేటిక్ వేరియంట్ ప్రారంభ ధర రూ. 7,89,900 (ఎక్స్-షోరూమ్)గా నిర్ణయించారు. కంపెనీ ఈ హ్యాచ్‌బ్యాక్‌ని మొత్తం నాలుగు ట్రిమ్‌లలో పరిచయం చేసింది. దాని టాప్ XZA NRG ట్రిమ్ ధర రూ. 8,79,900 లక్షలుగా నిర్ణయించారు. టిగోర్ iCNG AMT ఆటోమేటిక్ రెండు ట్రిమ్‌లలో మాత్రమే ప్రారంభించింది. దీని బేస్ వేరియంట్ ధర రూ.8,84,900గా, టాప్ వేరియంట్ ధర రూ.9,54,900 (ఎక్స్-షోరూమ్)గా నిర్ణయించారు.

టియాగో iCNG AMT ధర, వేరియంట్లు..

XTA రూ.7,89,900

XZA+ రూ.8,79,900

XZA+ DT రూ.8,89,900

XZA NRG రూ.8,79,900

Tigor iCNG AMT ధర, వేరియంట్లు..

XZA రూ.8,84,900

XZA+ రూ.9,54,900

అద్భుతమైన మైలేజ్..

ఈ ఆటోమేటిక్ CNG కార్లు 28.06 km/kg వరకు మైలేజీని ఇస్తాయని టాటా మోటార్స్ పేర్కొంది. ఇప్పటికే ఉన్న కలర్ ఆప్షన్‌లతో పాటు, కంపెనీ కొన్ని కొత్త రంగులు, టాటా టియాగో కోసం టోర్నాడో బ్లూ, టియాగో ఎన్‌ఆర్‌జీ కోసం గ్రాస్‌ల్యాండ్ బీజ్, రెగ్యులర్ టిగోర్ కోసం మెటోర్ బ్రాంజ్ కలర్ ఆప్షన్‌లను కూడా చేర్చింది.

టాటా మోటార్స్ ప్యాసింజర్ వెహికల్స్ లిమిటెడ్ చీఫ్ కమర్షియల్ ఆఫీసర్ అమిత్ కామత్ మాట్లాడుతూ, "విస్తృత లభ్యత, యాక్సెసిబిలిటీకి ప్రసిద్ధి చెందిన CNG, సంవత్సరాలుగా అపారమైన ఆమోదాన్ని పొందింది. టాటా మోటార్స్ ట్విన్-సిలిండర్ టెక్నాలజీని ప్రవేశపెట్టడం ద్వారా పరిశ్రమలో విప్లవాత్మక మార్పులు చేసింది. హై-ఎండ్ ఫీచర్ ఎంపికలు, డైరెక్ట్ CNG స్టార్ట్ పరిశ్రమలో మొదటిసారిగా అందించచింది."

"గత 24 నెలల్లో మేం 1.3 లక్షలకు పైగా CNG వాహనాలను విక్రయించాం. వాల్యూమ్‌లను పెంచడానికి, మా కస్టమర్‌లకు ఉత్తమమైన వాటిని అందించడానికి మా ప్రయత్నంలో, మేం ఇప్పుడు ఆటోమేటిక్ ట్రాన్స్‌మిషన్‌తో Tiago, Tigor iCNGలను విడుదల చేస్తున్నాం - ఇవి భారతదేశంలో మొదటి ఆటోమేటిక్ CNG కార్లు" అని పేర్కొన్నారు.