Nissan Launched New Cars: భారత్ కోసం నిస్సాన్ రెండు కొత్త కార్లు.. పక్కా బ్లాక్ బస్టర్..!

Nissan Launched New Cars: నిస్సాన్ ఇండియా భారత కార్ మార్కెట్‌లో తన పట్టును పటిష్టం చేసుకోవడానికి భారీ సన్నాహాలు చేస్తోంది. 2025-26 ఆర్థిక సంవత్సరానికి సంబంధించిన ప్రణాళికను కంపెనీ వెల్లడించింది. ఈసారి కంపెనీ మారుతి సుజుకి, హ్యుందాయ్‌లకు గట్టి పోటీనిచ్చే రెండు కొత్త మోడళ్లను తీసుకువస్తోంది. నిస్సాన్ ఇండియా త్వరలో ఒక కాంపాక్ట్ ఎస్‌యూవీ, కాంపాక్ట్ ఎంపీవీని విడుదల చేయనుంది.

నిస్సాన్ ఇటీవల జపాన్‌లోని యోకోహామాలో తన గ్లోబల్ ఉత్పత్తి ప్రదర్శనను నిర్వహించింది. విశేషమేమిటంటే రెండు మోడళ్లు రెనాల్ట్ ట్రైబర్, డస్టర్ ఆధారంగా ఉంటాయి. దీనికి సంబంధించిన ఫోటో టీజర్‌ను కూడా కంపెనీ విడుదల చేసింది. నిస్సాన్ కొత్త కాంపాక్ట్ ఎస్‌యూవీ హ్యుందాయ్ క్రెటాకు గట్టి పోటీని ఇవ్వగలదు. ప్రస్తుతం నిస్సాన్ కాంపాక్ట్ ఎస్‌యూవీ మాగ్నైట్ మాత్రమే భారతదేశంలో మెరుగైన పనితీరును కనబరుస్తోంది. ఇప్పుడు కంపెనీ 2 కొత్త ఉత్పత్తులను ప్రకటించడం ద్వారా భారతీయ కార్ మార్కెట్ కోసం పూర్తిగా సిద్ధంగా ఉన్నట్లు స్పష్టం చేసింది.

నిస్సాన్ కొత్త ఎంపీవీ కాంపాక్ట్ సైజులో రానుంది. ఇందులో 7 మందికి సీటింగ్ ఉంటుంది. దీని పొడవు 4 మీటర్ల కంటే తక్కువగా ఉంటుంది. 1.0L టర్బో పెట్రోల్ ఇంజన్ ఇందులో చూడచ్చు. ఇందులో బోల్డ్ లుక్ చూడచ్చు. భారతదేశంలో ఇది మారుతి సుజుకి ఎర్టిగాతో పోటీపడుతుంది. నిస్సాన్ రాబోయే ఎస్‌యూవీ గురించి మాట్లాడితే ఇది 1.0L టర్బో పెట్రోల్ ఇంజన్‌ను కూడా ఉంటుంది. 5 మందికి సీటింగ్ ఉంటుంది. డస్టర్ టీజర్‌లో దాని డిజైన్‌లో చూడవచ్చు.

నిస్సాన్ మోటార్ ఇండియా మేనేజింగ్ డైరెక్టర్ సౌరభ్ వాట్స్ మాట్లాడితే.. కొత్త 7-సీటర్ ఎంపీవీ నిస్సాన్ ఉత్పత్తి అరంగేట్రం ప్రారంభమైందని చెప్పారు. ఇది 2025 ఆర్థిక సంవత్సరంలో భారతదేశంలో ప్రారంభించనుంది. దీని తర్వాత FY26 ప్రారంభంలో గతంలో ప్రకటించిన కొత్త ఎస్‌యూవీ లాంచ్ ఉంటుంది. నిస్సాన్ మోటార్ ఇండియా FY26 నాటికి 4 ఉత్పత్తులను విడుదల చేయడానికి సన్నాహాలు చేస్తోంది.