Mahindra XUV700: ఏప్రిల్ ఫూల్ కాదు నిజం! మహీంద్రా ఆ మోడల్ పై రూ.లక్ష డిస్కౌంట్!

Mahindra XUV700: మహీంద్రా కంపెనీ వాళ్లు వాళ్ల కార్ల మీద ఈ ఏప్రిల్ నెలలో బాగా ఆఫర్లు ఇస్తున్నారు. అందులో భాగంగా ఎక్స్‌యూవీ 700 కొంటే ఏకంగా లక్ష రూపాయల వరకు తగ్గించుకోవచ్చు. కానీ ఒక విషయం గుర్తుపెట్టుకోండి.. ఈ ఆఫర్ 2024లో తయారైన మోడల్‌లకే వర్తిస్తుంది. ఇంకా ఎక్కువ వివరాలు కావాలంటే దగ్గర్లోని మహీంద్రా షోరూమ్‌కు వెళ్లి అడగండి. ఇంకో విషయం ఏంటంటే.. పోయిన నెల అంటే మార్చి 2025లో ఈ కారు ఏకంగా 7,468 యూనిట్లు అమ్ముడుపోయిందట. దాంతో మహీంద్రా కార్లలో ఇది మూడో ప్లేస్‌లో ఉంది అమ్మకాల పరంగా. మరి ఈ కారులో ఏమున్నాయో, ఇంజిన్ ఎలా ఉంటుందో, ధర ఎంత ఉందో తెలుసుకుందామా?

ఈ కారు ఇంజిన్ గురించి చెప్పాలంటే.. మహీంద్రా ఎక్స్‌యూవీ 700లో రెండు రకాల ఇంజిన్లు ఉన్నాయి. ఒకటి 2.0 లీటర్ల టర్బో పెట్రోల్ ఇంజిన్. ఇది చాలా పవర్ఫుల్‌గా ఉంటుంది. 200 హార్స్ పవర్ శక్తిని, 380 న్యూటన్ మీటర్ల టార్క్‌ను ఇస్తుంది. ఇంకోటి 2.2 లీటర్ల డీజిల్ ఇంజిన్. ఇది కూడా 185 హార్స్ పవర్ శక్తిని, 450 న్యూటన్ మీటర్ల టార్క్‌ను ఇస్తుంది. అంటే రెండూ అదిరిపోయే ఇంజిన్లే అన్నమాట!

మహీంద్రా ఎక్స్‌యూవీ 700 లోపల చూస్తే పెద్ద 10.2 అంగుళాల టచ్‌స్క్రీన్ టీవీలాంటిది ఉంటుంది. దాంట్లో అన్ని ఫీచర్లు చూసుకోవచ్చు. డ్రైవర్ కోసం అయితే 10 అంగుళాల డిజిటల్ స్క్రీన్ ఉంటుంది. పైకి చూస్తే సన్‌రూఫ్ కూడా ఉంటుంది. ఇంకా భద్రత కోసం ఏకంగా ఏడు ఎయిర్‌బ్యాగులు ఇచ్చారు. పార్కింగ్ చేయడానికి ఎలక్ట్రానిక్ బ్రేక్ ఉంది. కొత్త టెక్నాలజీతో డ్రైవింగ్‌కు అసిస్టెంట్ సిస్టమ్ (ADAS) ఉంది. టైర్లలో గాలి ఎంత ఉందో చూపిస్తుంది. చుట్టూ కెమెరాలు కూడా ఉన్నాయి. ఈ కారు మొదలు ధర అయితే 13.99 లక్షల నుంచి స్టార్ట్ అవుతుంది. టాప్ మోడల్ అయితే 26.99 లక్షల వరకు ఉంటుంది.