Maruti Suzuki: 20 ఏళ్లుగా ఫిదా చేస్తోన్న రూ. 7 లక్షల కార్.. 30 లక్షల యూనిట్లు సేల్‌.. మిడిల్ క్లాస్ డ్రీమ్ ఎస్‌యూవీ..!

Maruti Suzuki Swift: మే 2005లో మొట్టమొదటిసారిగా ప్రారంభించినప్పటి నుంచి భారతదేశంలో విక్రయించబడుతున్న అత్యంత ప్రజాదరణ పొందిన వాహనాలలో స్విఫ్ట్ ఒకటి. ఇది చాలా కాలంగా భారతదేశంలో అత్యధికంగా అమ్ముడైన హ్యాచ్‌బ్యాక్‌లలో ఒకటిగా మారింది. సేల్స్ చూస్తే ఈ కారు ఎంత ప్రజాదరణ పొందిందో ఇట్టే అర్థమవుతుంది. జూన్ 2024 నాటికి మారుతి స్విఫ్ట్ భారతదేశంలో 30 లక్షల యూనిట్ల విక్రయాల మార్కును దాటింది.

మారుతీ సుజుకి స్విఫ్ట్ భారతీయ ఆటోమోటివ్ పరిశ్రమలో అత్యంత ప్రజాదరణ పొందిన, ముఖ్యమైన పేర్లలో ఒకటి. ప్రస్తుతం దాని నాల్గవ తరం మారుతి సుజుకి స్విఫ్ట్ ప్రతి నెలా మంచి సంఖ్యలో అమ్ముడవుతోంది. దీని ఇంజిన్, పనితీరును చాలా ఇష్టపడుతున్నారు. ఇది ఫన్-టు-డ్రైవ్ హ్యాచ్‌బ్యాక్. ఇది సిటీ ట్రాఫిక్‌లోనూ ఆహ్లాదకరమైన డ్రైవింగ్ అనుభవాన్ని అందిస్తుంది.

మొదటి తరం స్విఫ్ట్ హ్యాచ్‌బ్యాక్ 2005లో ప్రారంభించారు. 2013 నాటికి దాని 10 లక్షల యూనిట్లు విక్రయించారు. అయితే, కేవలం 5 సంవత్సరాల తర్వాత 2018లో ఈ సంఖ్య రెండింతలు పెరిగి 20 లక్షలకు చేరుకుంది. ఇప్పుడు స్విఫ్ట్ ప్రస్తుతం నాల్గవ తరంలో ఉంది. ప్రారంభించినప్పటి నుంచి 30 లక్షల యూనిట్ల అమ్మకాలను సాధించింది.

కొత్త స్విఫ్ట్ ధర ఎంత?

నాల్గవ తరం స్విఫ్ట్ ఈ సంవత్సరం భారతదేశంలో ప్రారంభించారు. ప్రస్తుతం రూ. 6.49 లక్షల ప్రారంభ ధర (ఎక్స్-షోరూమ్) వద్ద అందుబాటులో ఉంది. కొత్త స్విఫ్ట్ ఒక సరికొత్త 1.2 లీటర్ ఇంజన్‌తో మెరుగైన మైలేజ్, మరింత సౌలభ్యం, భద్రతా ఫీచర్లను అందిస్తోంది.