Maruti Suzuki Grand Vitara CNG Discontinued: బ్యాడ్ న్యూస్.. నిలిచిపోనున్న మారుతి గ్రాండ్ విటారా.. అసలు కారణం ఇదే..!

Maruti Suzuki Grand Vitara CNG Discontinued: భారతదేశపు అగ్రగామి ఆటోమొబైల్ తయారీ సంస్థ మారుతి సుజుకి వివిధ విభాగాలలో వాహనాలను అందిస్తుంది. తయారీదారు ఇటీవల తన కార్ల ధరలను పెంచింది. దీనితో పాటు అనేక మోడల్స్‌ను కూడా అప్‌డేట్ చేసింది. అదే క్రమంలో మారుతి మిడ్-సైజ్ ఎస్‌యూవీ గ్రాండ్ విటారా సీఎన్‌జీ వేరియంట్‌ నిలిచిపోనుంది. ఇందులో ఎలాంటి ఇంజిన్ ఉంది, దాని ధర ఎంత, తదితర వివరాలు తెలుసుకుందాం.

Maruti Suzuki Grand Vitara Price Increase

గ్రాండ్ విటారాను మారుతి సుజుకి మిడ్-సైజ్ ఎస్‌యూవీగా అందిస్తోంది. ఎస్‌యూవీ ధరలను తయారీదారు ఇటీవల అప్‌డేట్ చేశారు. ఏప్రిల్ 8, 2025న ఎస్‌యూవీ ధరను రూ.41 వేలు పెంచారు. అలానే ఎస్‌యూవీ కొన్ని వేరియంట్లు కూడా నిలిచిపోనున్నాను. ఇందులో అన్ని సీఎన్‌జీ వేరియంట్‌లు ఉన్నాయి. నిలిపివేసే ముందు, ఎస్‌యూవీ డెల్టా, జీటా వేరియంట్లలో రానుంది.

Maruti Suzuki Grand Vitara CNG Engine

మారుతి గ్రాండ్ విటారా CNG వెర్షన్‌లో 1.5 లీటర్ ఇంజిన్ కూడా అందించారు. దీని కారణంగా ఎస్‌యూవీ 88 పిఎస్ పవర్, 122 న్యూటన్ మీటర్ల టార్క్‌ను పొందింది. ఈ ఇంజిన్‌తో ఎస్‌యూవీ ఒక కిలోగ్రాము సీఎన్‌జీతో 26.60 కిలోమీటర్ల వరకు మైలేజ్ ఇస్తుంది.

గ్రాండ్ విటారా CNG వేరియంట్ల నిలిపివేసే దాని గురించి మారుతి ఎటువంటి అధికారిక సమాచారం ఇవ్వలేదు. కానీ మీడియా నివేదికల ప్రకారం.. డిమాండ్ తక్కువగా ఉండటం వల్ల మారుతి సీఎన్‌జీ వేరియంట్‌లను తొలగించిందని ఊహాగానాలు వస్తున్నాయి.

మారుతి గ్రాండ్ విటారా ఎస్‌యూవీ ఇప్పుడు పెట్రోల్, బలమైన హైబ్రిడ్ టెక్నాలజీతో (గ్రాండ్ విటారా పెట్రోల్, హైబ్రిడ్ వేరియంట్లు) మాత్రమే అందిస్తుంది. ఈ ఎస్‌యూవీలో 1.5 లీటర్ పెట్రోల్, బలమైన హైబ్రిడ్ ఇంజన్ ఉంటుంది. దీనితో మాన్యువల్, ఆటోమేటిక్ ట్రాన్స్‌మిషన్స్ ఉంటాయి.

Maruti Suzuki Grand Vitara Price

మారుతి గ్రాండ్ విటారాకు కొత్త ఫీచర్లను జోడించిన తర్వాత, ఇప్పుడు దాని ధరను కూడా పెంచింది. ఈ ఎస్‌యూవీని రూ. 11.42 లక్షల ఎక్స్-షోరూమ్ ధరకు కొనుగోలు చేయవచ్చు. దాని టాప్ వేరియంట్ ఎక్స్-షోరూమ్ ధర రూ. 20.68 లక్షలుగా ఉంచారు. ఈ ఎస్‌యూవీ మొత్తం 18 వేరియంట్లలో అందుబాటులో ఉంది.

గ్రాండ్ విటారా ఎస్‌యూవీని మారుతి నాలుగు మీటర్ల కంటే పెద్ద ఎస్‌యూవీ విభాగంలో అందిస్తోంది. ఈ విభాగంలో, ఇది టయోటా అర్బన్ క్రూయిజర్ హైరైడర్, హోండా ఎలివేట్, హ్యుందాయ్ క్రెటా, కియా సెల్టోస్, ఎంజీ ఆస్టర్ వంటి ఎస్‌యూవీలతో నేరుగా పోటీపడుతుంది.