Maruti: మారుతీ నుంచి తొలి ఎలక్ట్రిక్ కార్.. లీకైన ఫొటోలు.. టాటా పంచ్‌కు గట్టిపోటీ.. ఫుల్ ఛార్జ్‌తో 550 కిమీల మైలేజీ..!

Maruti Suzuki Evx: మారుతీ సుజుకీ తన తొలి ఎలక్ట్రిక్ కారును త్వరలో విడుదల చేసేందుకు సన్నాహాలు చేస్తోంది. ఇది భారతదేశంలో ఆటోమేకర్ మొట్టమొదటి EV కారు కానుంది. ఇది 2025 నాటికి భారతీయ EV కార్ల మార్కెట్లో విడుదల చేయనున్నట్లు తెలుస్తోంది.

కంపెనీ దీని ఉత్పత్తిపై వేగంగా పని చేస్తోంది. ఇటీవల, ఈ EV కారు కొన్ని ఫొటోలు సోషల్ మీడియాలో కనిపించాయి. ఈ ఫొటోలు చూస్తే.. దేశంలో సుజుకి ఈ మొదటి EV మిడ్-సైజ్ ఎలక్ట్రిక్ SUV అని ఊహించవచ్చు. దీనిని కంపెనీ eVX పేరుతో తీసుకువస్తుంది.

దీని హెడ్‌ల్యాంప్‌లు, టెయిల్‌లైట్‌లను కారు టెస్టింగ్ సమయంలో కనిపించిన ఫొటోలలో తెలుస్తోంది. అన్నింటిలో మొదటిది, హెడ్‌ల్యాంప్‌ల గురించి మాట్లాడితే, దీనిలో కనిపించే LED DRL హెడ్‌ల్యాంప్‌లు రెండు భాగాలుగా విభజించబడతాయి. ఇవి దిగువన L- ఆకారపు డిజైన్, పైభాగంలో సరళ రేఖ రూపకల్పన చేశారు.

అదే సమయంలో, టెయిల్‌లైట్‌ల విషయంలో, ఇది వంపు తిరిగిన LED టైల్‌లైట్‌లను కలిగి ఉంది. ఇది DRLలకు సమాంతరంగా ఉంచిడినట్లు కనిపిస్తుంది.

ఇది కాకుండా దీని ఇతర లక్షణాల గురించి మాట్లాడితే, వీటిలో 360-డిగ్రీ కెమెరా, రోటరీ డయల్, టూ-స్పోక్ స్టీరింగ్ వీల్, కొత్త సెంటర్ కన్సోల్, సి-పిల్లర్-మౌంటెడ్ రియర్ డోర్ హ్యాండిల్స్, పెద్ద-పరిమాణ టచ్‌స్క్రీన్ ఇన్ఫోటైన్‌మెంట్ సిస్టమ్, డ్రైవ్ మోడ్‌లు ఉన్నాయి. దీనితో పాటు, డ్యూయల్-టోన్ అప్హోల్స్టరీ, అనేక ఇతర అధునాతన ఫీచర్లు అందుబాటులో ఉంటాయి.

అయితే, మారుతి సుజుకి ఈ EV పవర్ గురించి ఎటువంటి సమాచారాన్ని పంచుకోలేదు. అయితే కంపెనీ ఈ ఎలక్ట్రిక్ SUVని 60kWh బ్యాటరీ ప్యాక్‌తో పరిచయం చేస్తుందని భావిస్తున్నారు. ఇది ఒకసారి పూర్తిగా ఛార్జ్ చేస్తే 550 కి.మీ దూరం వస్తుందని అంటున్నారు.

మారుతి సుజుకి ఈ EV నేరుగా హ్యుందాయ్ క్రెటా EV, త్వరలో రానున్న హోండా ఎలివేట్ EVతో పోటీ పడుతుందంట.