New EVs Launched: భలే మంచి బుజ్జి ఈవీ కార్లు.. సింగిల్ ఛార్జ్‌తో 550 కిమీ రేంజ్.. టాటా కర్వ్‌తోనే పోటీ..!

New EVs Launched: భారతీయ ఎలక్ట్రిక్ కార్ల మార్కెట్‌‌‌లో టాటా మోటార్స్ ఏకపక్షంగా ఆధిపత్యాన్ని కొనసాగిస్తోంది. దేశంలోని మొత్తం ఎలక్ట్రిక్ కార్ల అమ్మకాలలో 70 శాతం వాటాను టాటా మోటార్స్ ఆక్రమించింది. ఇప్పుడు ఈ సెగ్మెంట్‌కు పెరుగుతున్న డిమాండ్‌ను చూసి, మారుతి సుజుకి నుండి హ్యుందాయ్ ఇండియా వరకు దేశంలో అతిపెద్ద కార్లను విక్రయించే సంస్థ రాబోయే రోజుల్లో తన కొత్త మిడ్-సైజ్ ఎలక్ట్రిక్ SUVని విడుదల చేయబోతోంది. ఈ రాబోయే ఎలక్ట్రిక్ కార్లు కూడా టెస్టింగ్ సమయంలో కనిపించాయి. ఈరెండు EVల ఫీచర్లు, డ్రైవింగ్ రేంజ్, ధర గురించి వివరంగా తెలుసుకుందాం.

Maruti Suzuki eVX
ఇండియన్ మార్కెట్లో హ్యాచ్ బ్యాక్ కార్లకు పేరుగాంచిన మారుతీ సుజుకి కూడా తన తొలి ఎలక్ట్రిక్ కారును విడుదల చేసేందుకు సన్నాహాలు చేస్తోంది. కంపెనీ మొట్టమొదటి ఎలక్ట్రిక్ కారు మారుతి సుజుకి eVX. మారుతి సుజుకి eVX వచ్చే ఏడాది అంటే 2025 ప్రారంభంలో లాంచ్ కావచ్చని చాలా నివేదికలు క్లెయిమ్ చేస్తున్నాయి. మారుతి సుజుకి eVXలో వినియోగదారులు ఒక్కసారి ఛార్జ్ చేస్తే 550 కిలోమీటర్ల డ్రైవింగ్ రేంజ్‌ని పొందొచ్చు. అయితే రాబోయే మారుతి సుజుకి eVX ధర గురించి మరిన్ని వివరాలు ఇంకా అందుబాటులో లేవు.

Hyundai Creta EV
హ్యుందాయ్ ఇండియా తన ఫేమస్ SUV క్రెటా ఎలక్ట్రిక్ వేరియంట్‌ను విడుదల చేయడానికి సన్నాహాలు చేస్తోంది. టెస్టింగ్ సమయంలో హ్యుందాయ్ క్రెటా EV చాలా సార్లు కనిపించింది. హ్యుందాయ్ క్రెటా EV ఒక్కసారి ఛార్జ్ చేస్తే దాదాపు 500 కిలోమీటర్ల పరిధిని అందించగలదని అనేక మీడియా నివేదికలు పేర్కొన్నాయి. హ్యుందాయ్ క్రెటా EV మార్కెట్లో తాజాగా విడుదలైన టాటా కర్వ్ EVతో పోటీపడుతుంది. భారతీయ మార్కెట్లో హ్యుందాయ్ క్రెటా EV ప్రారంభ ఎక్స్-షోరూమ్ ధర సుమారు రూ. 20 లక్షలు ఉంటుంది.