Mahindra Thar Discontinued: థార్ లవర్స్ కు ఊహించని షాక్.. ఇండియాలో కనిపించదు.. ఏం జరిగిందంటే..!

Mahindra Thar Discontinued: మీరు మహీంద్రా థార్ కొనాలని ప్లాన్ చేస్తుంటే ఈ వార్త మీ కోసమే. థార్ క్రేజ్ దేశంలో భారీగా పెరిగింది. ప్రజాదరణ పొందిన బ్రాండ్‌గా కూడా మారింది. కానీ థార్ 3 డోర్ల వేరియంట్, 8 వేరియంట్లు భారతదేశంలో నిలిచిపోనున్నాయి. నిలిపేసిన వేరియంట్లలో థార్ కన్వర్టిబుల్ వెర్షన్ కూడా ఉంది, ఇది దాని టాప్ వేరియంట్. దీనితో పాటు, మహీంద్రా అనేక ఇతర వేరియంట్లను నిలిపివేసింది. ఇందులో థార్ ఏ వేరియంట్లు ఉన్నాయో తెలుసుకుందాం.

మీడియా నివేదికల ప్రకారం, మహీంద్రా థార్ 3-డోర్ 8 వేరియంట్లను నిలిపివేసింది, ఇవి ఇకపై భారతదేశంలో కనిపించవు. థార్ టాప్-స్పెక్ కన్వర్టిబుల్ వెర్షన్, AX 4WD వెర్షన్, 4WD వేరియంట్లలో మెకానికల్ లాకింగ్ డిఫరెన్షియల్‌తో రాని LX వేరియంట్ నిలిపివేశారు. AX ట్రిమ్‌లో ఇకపై 4WD వేరియంట్ కూడా కనిపించదు. థార్ 19 వేరియంట్లలో వచ్చింది.

మహీంద్రా 3 డోర్ల థార్‌ను మొత్తం 19 వేరియంట్లలో విడుదల చేసింది. ఇప్పుడు, కన్వర్టిబుల్ టాప్ వేరియంట్, AX 4WD వేరియంట్ , ఓపెన్ డిఫరెన్షియల్‌తో LX వేరియంట్‌ను తొలగించిన తర్వాత, కేవలం 11 వేరియంట్లు మాత్రమే మిగిలి ఉన్నాయి. థార్ 8 వేరియంట్ల నిలిపివేసిన తర్వాత, ఎంట్రీ-లెవల్ AX ట్రిమ్ ఇప్పుడు RWD రూపంలో మాత్రమే అందుబాటులో ఉంటుంది. ఇందులో 1.5-లీటర్ డీజిల్ ఇంజన్ కనిపిస్తుంది. కానీ దాని 8 వేరియంట్‌లను తొలగించిన తర్వాత కూడా, దాని ధర మునుపటిలాగే ఉంది. థార్ ప్రారంభ ధర రూ. 11.50 లక్షల ఎక్స్-షోరూమ్,. టాప్-స్పెక్ 2.2-లీటర్ డీజిల్ LX AT ఎర్త్ ఎడిషన్ 4WD ధర రూ. 17.60 లక్షలు.

నివేదికల ప్రకారం.. మహీంద్రా 3-డోర్ల థార్ ఫేస్‌లిఫ్ట్‌పై పనిచేస్తుంది. దీనికి థార్ రాక్స్ లాంటి డిజైన్ ఇవ్వచ్చు. థార్ అనేక ఫీచర్లు ఫేస్‌లిఫ్ట్‌లో కూడా చూడవచ్చు, ఈ కారులో పెద్ద ఇన్ఫోటైన్‌మెంట్ టచ్‌స్క్రీన్, డిజిటల్ ఇన్స్ట్రుమెంట్ క్లస్టర్, హార్డ్-టాప్ వేరియంట్‌లో సన్‌రూఫ్ ఉన్నాయి. థార్ ఫేస్‌లిఫ్ట్ వచ్చే ఏడాది భారతదేశంలో అందుబాటులోకి రావచ్చు.