Kia Seltos March Sales: కియా మరోసారి అదరగొట్టింది.. సెల్టోస్ కొత్త రికార్డ్.. దుమ్మురేపేసింది భయ్యా..!

Kia Seltos March Sales

భారత మార్కెట్లో కాంపాక్ట్ ఎస్‌యూవీలకు మంచి డిమాండ్ ఉంది. కియా సెల్టోస్ కూడా ఈ విభాగంలో బాగా అమ్ముడవుతోంది. మరోసారి మార్చి 2025లో సెల్టోస్ కంపెనీలో అత్యధికంగా అమ్ముడైన కారుగా మారింది. గత నెలలో కియా మొత్తం 25,525 యూనిట్ల కార్లను విక్రయించింది, ఇందులో 6,525 యూనిట్ల సెల్టోస్ కూడా ఉన్నాయి. దీని ధర, ఫీచర్లు తదితర వివరాలు తెలుసుకుందాం.

Kia Seltos Price

భారత మార్కెట్లో కియా సెల్టోస్ ప్రారంభ ధర రూ. 11.13 లక్షలు ఎక్స్-షోరూమ్. అదే సమయంలో, దాని టాప్ ఎండ్ వేరియంట్ కోసం మీరు రూ. 23.56 లక్షలు (ఎక్స్-షోరూమ్) ధర చెల్లించాలి. కంపెనీ దీనిని మూడు వేరియంట్లతో సహా అనేక విభిన్న ట్రిమ్‌లలో విక్రయిస్తుంది.

Kia Seltos sales

భారత మార్కెట్లో సెల్టోస్ అమ్మకాలు వార్షిక ప్రాతిపదికన తగ్గినప్పటికీ, ఇది ఇప్పటికీ కంపెనీకి అత్యధికంగా అమ్ముడైన ఎస్‌‌యూవీ. మార్చి 2025లో 6,525 మంది కొత్తగా ఈ కారను కొన్నారు. గతేడాది ఇదే నెలతో పోలిస్తే దాదాపు 18 శాతం తగ్గుదలను సూచిస్తుంది.

Kia Seltos Engine

కియా సెల్టోస్ పెట్రోల్, డీజిల్ ఇంజన్ ఎంపికలతో లభిస్తుంది. దీని మొదటి 1.5 లీటర్ టర్బోచార్జ్డ్ పెట్రోల్ మోడల్ 158 బిహెచ్‌పి పవర్, 253 ఎన్ఎమ్ టార్క్ ఉత్పత్తి చేస్తుంది. అదే సమయంలో నేచురల్లీ ఆస్పిరేటెడ్ పెట్రోల్ ఇంజిన్ 113 బిహెచ్‌పి పవర్, 144 ఎన్ఎమ్ టార్క్ రిలీజ్ చేయగా, 1.5-లీటర్ డీజిల్ ఇంజిన్ 114 బిహెచ్‌పి, 250 ఎన్ఎమ్ టార్క్ ఉత్పత్తి చేస్తుంది.

Kia Seltos Mileage

కియా సెల్టోస్ ఇంజిన్, ట్రాన్స్‌మిషన్ ఆధారంగా 17 నుండి 20.7 కిలోమీటర్ల మైలేజీని అందించగలదు. ఈ ఎస్‌యూవీలో 50 లీటర్ల ఇంధన ట్యాంక్ ఉంది, దీనిని ఒకసారి నింపితే గరిష్టంగా 1000 కిమీ ప్రయాణించవచ్చు.

Kia Seltos Features

కియా సెల్టోస్ అనేది అనేక ఫీచర్లతో నిండిన ఎస్‌యూవీ. దీని ఇంటీరియర్‌లో 10.25-అంగుళాల డిజిటల్ ఇన్ఫోటైన్‌మెంట్ స్క్రీన్, డిజిటల్ డ్రైవర్ డిస్‌ప్లే, 8-స్పీకర్ బోస్ సౌండ్ సిస్టమ్, అడ్జస్ట్ చేయగల డ్రైవర్ సీటు, సన్‌రూఫ్ ఉన్నాయి. భద్రత కోసం 6 ఎయిర్‌బ్యాగ్స్, 360 డిగ్రీల కెమెరా, ఎలక్ట్రానిక్ బ్రేక్‌ఫోర్స్ డిస్ట్రిబ్యూషన్, యాంటీ లాక్ బ్రేకింగ్ సిస్టమ్, టైర్ ప్రెజర్ మానిటరింగ్ సిస్టమ్ వంటి ఫీచర్లు అందుబాటులో ఉన్నాయి.