Kia Big Discount Offers: కియా భారీ ఆఫర్లు.. ఈ మూడు కార్లపై ఊహించని డిస్కౌంట్లు..!

Kia Big Discount Offers: కార్ల కంపెనీలకు టైమ్స్ అంత బాగా లేవు. తమ అమ్మకాలను పెంచుకోవడానికి మొదటి పండుగ సీజన్‌లో డిస్కౌంట్లు ఇచ్చాయి. అయితే పాత స్టాక్ ఇప్పటికీ క్లియర్ కాలేదు. దీని కారణంగా కంపెనీలు ఈ నెలలో మరోసారి మంచి తగ్గింపులను అందిస్తున్నాయి. కియా ఇండియా తన 3 అత్యంత ప్రజాదరణ పొందిన వాహనాలపై రూ. 2 లక్షల వరకు తగ్గింపును అందిస్తోంది. ఈ తగ్గింపులు, ఆఫర్‌లు కొన్ని ఎంపిక చేసిన వేరియంట్‌లపై మాత్రమే అందుబాటులో ఉంటాయి. ఏ మోడల్‌పై ఎంత తగ్గింపు లభిస్తుందో తెలుసుకుందాం.

Kia Seltos

ఈ నవంబర్ నెలలో మీరు కంపెనీ మధ్యతరహా SUV సెల్టోస్‌ను కొనుగోలు చేయబోతున్నట్లయితే, మీరు ఈ వాహనంపై రూ. 2 లక్షల వరకు ఆదా చేయవచ్చు. ఎంపిక చేసిన వేరియంట్లపై మాత్రమే ఈ తగ్గింపులు అందుబాటులో ఉన్నాయి. ఈ వాహనం ఎక్స్-షోరూమ్ ధర రూ.10.90 లక్షల నుండి రూ.20.45 లక్షల వరకు ఉంది. సెల్టోస్‌లోని ఫీచర్లు చాలా బాగున్నాయి. కానీ దీని డిజైన్ బాగా లేదు. పెర్ఫార్మెన్స్ పరంగా కూడా ఆకట్టుకోలేదు. కొనుగోలు చేసే ముందు ఖచ్చితంగా సెల్టోస్ టెస్ట్ డ్రైవ్ తీసుకోండి.

Kia Sonet

ఈ నెలలో మీరు Kia చౌకైన SUV అయిన Sonet కొనుగోలుపై రూ. 55,000 వరకు ఆదా చేసుకోవచ్చు. ఈ ఆఫర్ డీలర్‌షిప్ ద్వారా అందిస్తున్నారు, కాబట్టి తగ్గింపు ఎక్కువ లేదా తక్కువ ఉండవచ్చు. సోనెట్ ధర రూ. 8 లక్షల నుంచి ప్రారంభమవుతుంది. ఇందులో పెట్రోల్, డీజిల్ ఎంపికలు అందుబాటులో ఉన్నాయి. డిజైన్, క్యాబిన్ పరంగా సోనెట్ ఆకట్టుకోలేదు. అయితే ఇందులో ఫీచర్లు బాగున్నాయి.

Kia Carens

మీరు ఈ నెలలో కియా ఫ్యామిలీ కారు కేరెన్స్‌ని కొనుగోలు చేయాలని ఆలోచిస్తున్నట్లయితే త్వరపడండి. ఎందుకంటే ఈ కొత్త పాత స్టాక్‌పై డీలర్‌షిప్ స్థాయిలో రూ. 52 వేల నుండి దాదాపు రూ. 95 వేల వరకు తగ్గింపులు అందుబాటులో ఉన్నాయి. కేరెన్స్ 7 సీట్ల MPV. దీని ధర రూ.10.52 లక్షల నుంచి రూ.19.94 లక్షల వరకు ఉంది. మీరు ఈ మూడు వాహనాలను కొనుగోలు చేయాలని ఆలోచిస్తున్నట్లయితే, కియా షోరూమ్‌ని సంప్రదించండి. ఈ ఆఫర్‌లన్నీ ఈ నెలకు లేదా స్టాక్ ఉన్నంత వరకు మాత్రమే ఉంటాయి.