EV Scooter: అదిరిపోయే స్టైల్.. కళ్లు చెదిరే ఫీచర్లు.. సింగిల్ ఛార్జింగ్‌తో 100 కి.మీ మైలేజీ.. ఎంతో చవకైన ఎలక్ట్రిక్ స్కూటర్‌ ఇదే.. ధరెంతో తెలుసా?

Jaunty EV Scooter: మార్కెట్లో తక్కువ వేగంతో పనిచేసే ఎలక్ట్రిక్ స్కూటర్లకు డిమాండ్ నిరంతరం పెరుగుతోంది. ఇంటి చుట్టుపక్కల సామాన్లు తీసుకురావాలన్నా.. సిటీలో డ్యూటీకి వెళ్లాలంటే ద్విచక్ర వాహనం కావాల్సిందే. పెరుగుతున్న పెట్రోల్ ధరల కారణంగా ఎలక్ట్రిక్ స్కూటర్లు బెటర్ ఆప్షన్ గా నిలుస్తున్నాయి. జాంటీ ఎలక్ట్రిక్ స్కూటర్ ఈ విభాగంలో కూల్ స్కూటర్. ఈ స్కూటర్ ధర, ఫీచర్ల గురించి ఇప్పుడు తెలుసుకుందాం..

249 W పవర్, 25 kmph టాప్ స్పీడ్ ..

సమాచారం ప్రకారం, జాంటీ ఎలక్ట్రిక్ స్కూటర్ మార్కెట్లో రూ. 65,064 నుంచి రూ. 90,064 లక్షల ఎక్స్-షోరూమ్ వరకు అందుబాటులో ఉంది. ఈ శక్తివంతమైన Ev స్కూటర్ 249 W పవర్ బ్యాటరీని కలిగి ఉంది. ఇది 25 kmph గరిష్ట వేగాన్ని ఇస్తుంది. ఇది అధిక పనితీరు గల ఈవీ స్కూటర్.

ముందు భాగంలో డిస్క్ బ్రేక్‌లు, వెనుక భాగంలో డ్రమ్ బ్రేక్‌లు..

జాంటీ ఎలక్ట్రిక్ స్కూటర్ ఒక్కసారి ఛార్జింగ్ చేస్తే 100 కి.మీల వరకు నడుస్తుంది. డ్రైవర్ భద్రతను దృష్టిలో ఉంచుకుని, ఇది ముందు భాగంలో డిస్క్ బ్రేక్‌లు, వెనుక భాగంలో డ్రమ్ బ్రేక్‌లను కలిగి ఉంటుంది. దీని సీటు ఎత్తు 730 మి.మీ. తక్కువ ఎత్తు ఉన్నవారు కూడా సులభంగా రైడ్ చేయవచ్చు.

పూర్తిగా ఛార్జ్ కావడానికి 6 గంటలు..

ఈ ఎలక్ట్రిక్ స్కూటర్ బ్యాటరీ పూర్తిగా ఛార్జ్ కావడానికి 6 గంటలు పడుతుంది. ఈ స్కూటర్ 60V26Ah, 60V32Ah అనే రెండు బ్యాటరీ ప్యాక్‌లలో మార్కెట్లో అందుబాటులో ఉంది. ఈ స్కూటర్‌లో 249 పవర్ మోటార్ అందించారు.

డిస్క్ బ్రేక్ ప్రయోజనాలు..

హైస్పీడ్ టూ వీలర్‌ను ఆపడానికి డిస్క్ బ్రేక్ సహాయపడుతుంది. డిస్క్ బ్రేక్‌లు ద్విచక్ర వాహనాన్ని ఆపడంలో ప్రభావవంతంగా ఉన్నాయని నిరూపితమైంది. రోడ్డు ప్రమాదాలను నివారించడంలో డిస్క్ బ్రేక్‌లతో కూడిన ABS ప్రభావవంతంగా ఉంటుంది. అయితే ABS డ్రమ్ బ్రేక్‌లతో అమర్చబడదు.

ABS ఎలా పని చేస్తుందంటే..

ABS వ్యవస్థ వీల్ సెన్సార్ల నుంచి పనిచేస్తుంది. ఇందులో, సడన్ బ్రేకింగ్ డ్రైవర్‌కు సాధారణ బ్రేకింగ్ సిస్టమ్‌తో పోలిస్తే వాహనాన్ని నియంత్రించడానికి ఎక్కువ సమయం ఇస్తుంది. అదే సమయంలో టైర్ స్లిప్ విషయంలో ABS యాక్టివేట్ అవుతుంది. ఇది జారే పరిస్థితుల్లో లాక్-అప్, స్కిడ్డింగ్‌ను నిరోధిస్తుంది.