Jaguar Type 00: సోషల్ మీడియాలో సెన్సేషనల్ గా కొత్త కాన్సెప్ట్ కారు.. దీని స్పెషాలిటీ ఏంటో చూద్దాం..!

Jaguar Type 00: ఇటీవల బ్రిటిష్ లగ్జరీ కార్ బ్రాండ్ జాగ్వార్ ల్యాండ్ రోవర్ (JLR) కొత్త లోగోను విడుదల చేసింది. ఇప్పుడు కంపెనీ కొత్త ఎలక్ట్రిక్ కారు జాగ్వార్ టైప్ 00 కాన్సెప్ట్‌ను పరిచయం చేసింది. టాటా మోటార్స్ యాజమాన్యంలోని లగ్జరీ బ్రాండ్ కాన్సెప్ట్‌లో చాలా ఫ్యూచరిస్టిక్ డిజైన్‌ను అందించింది. జాగ్వార్ తన బ్రాండ్ గుర్తింపును మరింత పెంచుకోవడానికి ప్రయత్నిస్తోంది. తాజా కాన్సెప్ట్ కారు కూడా ఈ కసరత్తులో భాగమే. దీని ద్వారా కంపెనీ మరింత ప్రీమియం, టాప్ లగ్జరీ బ్రాండ్‌గా మారాలనుకుంటోంది.

దేశంలోని అతిపెద్ద పారిశ్రామికవేత్త రతన్ టాటా 2008లో జాగ్వార్‌ను కొనుగోలు చేసిన సంగతి తెలిసిందే. ఆర్థిక సంక్షోభం కారణంగా ఫోర్డ్‌ రతన్ టాటాకు ఈ కంపెనీని విక్రయించింది. ఇప్పుడు టాటాకు చెందిన జాగ్వార్ ఎలక్ట్రిక్ సెగ్మెంట్లోకి ఎంటర్ కాబోతుంది. ప్రారంభంలో జాగ్వార్ మూడు ఈవీ మోడళ్లను టెస్ట్ చేస్తోంది. దీంతో పాటు జాగ్వార్ మొదటి ఈవీ 2026 సంవత్సరంలో మార్కెట్లోకి రావచ్చని కూడా భావిస్తున్నారు. ఇదే సమయంలో జాగ్వార్ కొత్త కాన్సెప్ట్ కారును ఇంట్రడ్యూస్ చేస్తుంది.

జాగ్వార్ Mercedes-Benz, BMW, Audiకి బదులుగా ఆస్టన్ మార్టిన్, బెంట్లీ వంటి బ్రాండ్‌లకు పోటీదారుగా చూపాలనుకుంటోంది. ఎలక్ట్రిక్ కార్ల తయారీపై కంపెనీ దృష్టి సారించింది. సుదీర్ఘ నిరీక్షణ తర్వాత.. జాగ్వార్ ఫ్యూచరిస్టిక్ ఎలక్ట్రిక్ కారు కాన్సెప్ట్‌ను వెల్లడించింది. ఇది ఫ్లోరిడాలోని మయామి ఆర్ట్ వీక్‌లో ప్రదర్శించబడింది. జాగ్వార్ కొత్త కాన్సెప్ట్ కారు సోషల్ మీడియాలో ట్రెండ్ అవుతోంది. టైప్ 00 కాన్సెప్ట్ కారు సీట్లు కొద్దిగా క్రిందికి ఉండవచ్చు.

ఇది ఫాస్ట్‌బ్యాక్ పైకప్పుతో వస్తుంది. కొత్త ఎలక్ట్రిక్ కారు నాలుగు-డోర్ల జీటీ అని జాగ్వార్ ఇప్పటికే కన్ఫాం చేసింది, అయితే ఇది 2025 వరకు కనిపించే అవకాశం లేదు. జాగ్వార్ కొత్త ఎలక్ట్రిక్ కారు స్పెసిఫికేషన్‌లను వెల్లడించలేదు. జాగ్వార్ జేఈఏ ఆర్కిటెక్చర్ ఆధారంగా రూపొందించిన కారు. భవిష్యత్ ఎలక్ట్రిక్ కారు టైప్ 00 ఒక్కసారి పూర్తి ఛార్జ్‌తో 692 కిలోమీటర్ల దూరాన్ని కవర్ చేయగలదు. 15 నిమిషాల ఛార్జింగ్‌లో 321 కిలోమీటర్ల మేర ప్రయాణించవచ్చు.

Delete Edit