Hyundai i20 Sportz (O): హ్యుందాయ్ నుంచి ఐ20 కొత్త వేరియంట్‌ విడుదల.. ఫీచర్లు, ధరెంతో తెలుసా?

Hyundai i20 Sportz (O): హ్యుందాయ్ ఇండియా భారతదేశంలో i20 కొత్త వేరియంట్‌ను పరిచయం చేసింది. దాని ధర, లక్షణాలను తెలుసుకుందాం.. కార్ల తయారీ సంస్థ హ్యుందాయ్ భారతదేశంలో ఐ20 హ్యాచ్‌బ్యాక్ కొత్త వేరియంట్‌ను ప్రవేశపెట్టింది. ఈ కొత్త స్పోర్ట్జ్ (O) వేరియంట్ ధర రూ. 8.73 లక్షల ఎక్స్-షోరూమ్‌గా ఉంచింది.

ఇది సింగిల్, డ్యూయల్ టోన్‌లో కొనుగోలు చేయవచ్చు. డ్యూయల్-టోన్ కలర్ ఆప్షన్‌లో దీని ధర కొంచెం ఎక్కువగా ఉంది. ఇది రూ. 8.88 లక్షలు ఎక్స్-షోరూమ్.

ఐ20 స్పోర్ట్జ్ 1.2-లీటర్ పెట్రోల్ ఇంజన్‌తో అమర్చబడి ఉంది. ఈ ఇంజన్ 82 బిహెచ్‌పి పవర్, 115 ఎన్ఎమ్ టార్క్ ఉత్పత్తి చేయగలదు. ఇది 5-స్పీడ్ మ్యాన్యువల్ గేర్‌బాక్స్‌తో జత చేసింది.

కొత్త వేరియంట్ స్పోర్ట్జ్ ట్రిమ్‌పై ఆధారపడి ఉంటుంది. అయితే, దాని పొజిషనింగ్ టాప్-స్పెక్ ఆస్టా ట్రిమ్‌ను పోలి ఉంటుంది. స్పోర్ట్జ్ వేరియంట్‌లో మూడు అదనపు ఫీచర్లు అందించనుంది. ఇందులో ఎలక్ట్రిక్ సన్‌రూఫ్, వైర్‌లెస్ ఛార్జర్, డోర్ ఆర్మ్‌రెస్ట్‌లపై లెథెరెట్ ఫినిషింగ్ ఉన్నాయి.

అప్‌గ్రేడ్ చేసిన స్పోర్ట్జ్ (O) వేరియంట్ స్టాండర్డ్ స్పోర్ట్జ్ ట్రిమ్‌తో పోలిస్తే రూ. 35,000 ప్రీమియం ధరలో అందుబాటులో ఉంది.