logo
Auto

Honda CB500X: హోండా ప్రీమియం బైక్: ధర ఎంతంటే...

Honda Launches New CB500X Premium Bike price and other details
X

హోండా సీబీ500ఎక్స్ ప్రీమియం బైక్ (ఫొటో ట్విట్టర్)

Highlights

Honda HMSI CB500X: హోండా మోటార్‌ కొత్త అడ్వెంచర్‌ ప్రీమియం బైక్‌ను మార్కెట్లోకి రిలీజ్ చేసింది.

Honda HMSI CB500X: ప్రముఖ టూ వీలర్ తయారీ సంస్థ హోండా మోటార్‌ సైకిల్‌ అండ్‌ స్కూటర్‌ ఇండియా (HMSI) కొత్త అడ్వెంచర్‌ ప్రీమియం బైక్‌ను మార్కెట్లోకి రిలీజ్ చేసింది. CB500X పేరిట విడుదల చేసిన ఈ బైక్‌ ధరను రూ.6.87 లక్షలు (ఎక్స్‌ షోరూం)గా నిర్ణయించింది. బుకింగ్స్‌ కూడా ప్రారంభించినట్లు తెలిపింది. ప్రయాణికులకు గొప్ప అనుభూతిని అందించేందుకు ఈ ప్రీమియం బైక్‌ను తీసుకొచ్చినట్లు కంపెనీ ఎండీ, ప్రెసిడెంట్‌, సీఈవో అత్సుషి ఒగాటా పేర్కొన్నారు. కంపెనీకి చెందిన బిగ్‌వింగ్‌ డీలర్‌షిప్స్‌ ద్వారా దేశవ్యాప్తంగా వీటిని విక్రయించనున్నారు.

ఈ బైక్‌లో 8 వాల్వ్‌ ట్విన్ సిలిండర్‌ 471 సీసీ లిక్విడ్‌ కూల్‌ ఇంజిన్‌ అమర్చారు. మొత్తం 6 గేర్లు ఉంటాయి. ముందూ వెనుక ఏబీఎస్‌తో కూడిన డిస్క్‌ బ్రేక్‌ సదుపాయం ఇస్తున్నారు. ఈ ఇంజిన్‌ 8,500 ఆర్‌పీఎం వద్ద 47 బీహెచ్‌పీని ఉత్పత్తి చేస్తుంది. ఇవే కాకుండా ఎమర్జెన్సీ స్టాప్ సిగ్నల్ ఫీచర్‌ ఉంది. ఇది సడెన్ బ్రేక్ వేసినప్పుడు వెంటనే గుర్తించి ఆటోమేటిక్‌గా ముందూ వెనుక లైట్లను ఆన్‌ చేస్తుంది. ఈ బైక్‌ గ్రాండ్‌ ప్రిక్స్‌ రెడ్‌, మ్యాటీ గన్‌ పౌడర్‌ బ్లాక్‌ మెటాలిక్‌ రంగుల్లో లభించనుంది.

Web TitleHonda Launches New CB500X Premium Bike price and other details
Next Story