2025 Honda Shine 100 Launched: సరికొత్త బడ్జెట్ ధరలో హోండా షైన్ 100.. పేద-మధ్య తరగతి ప్రజలకు దీన్ని మించింది లేదు..!

2025 Honda Shine 100 Launched: హోండా ఇండియా తన అత్యంత సరసమైన మోటార్‌సైకిల్ 2025 షైన్ 100ని భారతదేశంలో విడుదల చేసింది. ఈ కొత్త బైక్ ప్రారంభ ధర రూ. 68,767 ఎక్స్-షోరూమ్ వద్ద వచ్చింది, ఇది పాత మోడల్ కంటే కొంచెం ఖరీదైనది. కొత్త షైన్ 100 OBD2B కంప్లైంట్ ఇంజన్, కొత్త గ్రాఫిక్స్‌తో అందించారు. మరింత ఆకర్షణీయంగా కనిపిస్తుంది. ఈ బైక్ పూర్తి వివరాలు ఇప్పుడు తెలుసుకుందాం.

2025 షైన్ 100‌లో కొత్త ఉద్గార నిబంధనలకు అనుగుణంగా రూపొందించిన OBD2B కంప్లైంట్ ఇంజన్‌ ఉంది. ఇందులో కొత్త స్టిక్కర్లు, గ్రాఫిక్స్ ఇచ్చారు, దాని కారణంగా దాని శైలిలో కొంచెం మార్పు వచ్చింది. బైక్‌లో ఉన్న 100సీసీ సింగిల్ సిలిండర్ ఎయిర్ కూల్డ్ ఇంజన్ 7.61బిహెచ్‌పి పవర్, 8.05ఎన్ఎమ్ టార్క్ ఉత్పత్తి చేస్తుంది. ఇది 4-స్పీడ్ గేర్‌బాక్స్‌తో వస్తుంది.

2025 షైన్ ఫీచర్స్ విషయానికి వస్తే హాలోజన్ హెడ్‌లైట్లు, బల్బ్ టర్న్ ఇండికేటర్లు, ట్విన్-పాడ్ ఇన్‌స్ట్రుమెంట్ కన్సోల్, సైడ్-స్టాండ్ సెన్సార్లు భద్రతను పెంచుతాయి. ఇది కాకుండా, కంబైన్డ్ బ్రేకింగ్ సిస్టమ్ అందించారు, ఇది బ్రేకింగ్ పనితీరును మెరుగుపరుస్తుంది. షైన్ 100 ఒక వేరియంట్ మాత్రమే అందుబాటులో ఉంటుంది. ఈ బైక్ మొత్తం 5 కలర్ ఆప్షన్లలో లభ్యం కానుంది. అన్ని హోండా డీలర్‌షిప్‌లలో దీని బుకింగ్ ప్రారంభమైంది. డెలివరీ గురించి మాట్లాడితే, దీని డెలివరీ ఏప్రిల్ 2025 మొదటి వారం నుండి ప్రారంభమవుతాయి.

హోండా షైన్ 100 ఇండియన్ మార్కెట్లో హీరో స్ప్లెండర్, టీవీఎస్ రేడియన్ వంటి బైక్‌లకు గట్టి పోటీనిస్తోంది. 2023లో ప్రారంభించినప్పటి నుండి, షైన్ 100 ఎంట్రీ-లెవల్ కమ్యూటర్ సెగ్మెంట్‌లో హీరో మోటోకార్ప్ మార్కెట్ వాటాను ఆక్రమించుకుంది. ముఖ్యంగా టైర్ 2, టైర్ 3 నగరాల్లో ఈ బైక్‌కు అద్భుతమైన స్పందన వచ్చింది. ఇప్పుడు 2025 షైన్ 100 విడుదలతో, ఈ విభాగంలో తన పట్టును మరింత బలోపేతం చేసుకోవడానికి హోండా సిద్ధమవుతోంది.