Hero HF 100 OBD-2B Launch: మైలేజ్ బాగా పెరిగింది.. కొత్తగా హీరో HF100.. ఏం మారిందో తెలుసా..?

Highlights

Hero HF 100 OBD-2B Launch : హీరో మోటోకార్ప్ ఇప్పుడు తన ఫేమస్ ఎంట్రీ లెవల్ బైక్ HF100 ను OBD-2B నిబంధనల ప్రకారం అప్‌గ్రేడ్ చేసింది. హీరో మాత్రమే కాదు, ఇతర కంపెనీలు కూడా క్రమంగా OBD-2B నిబంధనల ప్రకారం తమ బైక్‌లను అప్‌డేట్ చేయడం ప్రారంభించాయి. హీరో ఈ బైక్‌ను అప్‌డేట్ చేయడంతో పాటు ధరను కూడా పెంచింది. దాని ధర బైక్ ధర రూ.1,100 పెరిగి, ఎక్స్-షోరూమ్ ధర రూ.60,118 అయింది. దీని గురించి పూర్తి వివరాలు తెలుసుకుందాం.

OBD-2B HF100

OBD-2B (ఆన్-బోర్డ్ డయాగ్నస్టిక్స్ 2B) అనేది ఒక కొత్త ప్రభుత్వ నిబంధన, దీని ప్రకారం బైక్‌లు మరింత కఠినమైన ఉద్గార నిబంధనలను పాటించాలి. OBD-2B ఇంజిన్ పనితీరును మెరుగుపరచడంలో, మైలేజీని అందించడం, ఉద్గార నిబంధనలకు అనుగుణంగా కాలుష్యాన్ని తగ్గించడంలో సహాయపడుతుంది.

Hero HF100 Engine

కొత్త హీరో HF100 ఇంజిన్ విషయానికి వస్తే.. ఇందులో 97.2సిసి ఎయిర్-కూల్డ్, సింగిల్ సిలిండర్ ఇంజిన్‌తో ఉంటుంది. ఈ ఇంజిన్ 8.02హెచ్‌పి పవర్, 8.05ఎన్ఎమ్ టార్క్‌ను ఉత్పత్తి చేయగలదు. ఇది 4-స్పీడ్ గేర్‌బాక్స్‌తో జతచేసి ఉంటుంది. ఈ ఇంజిన్ చిన్నది కానీ దాని పనితీరు కూడా మెరుగ్గా ఉంటుంది. ఇది రోజువారీ ఉపయోగం కోసం ఒక మంచి బైక్ అవుతుంది. ప్యాషన్ ప్లస్ , స్ప్లెండర్ ప్లస్‌లలో కూడా ఇదే ఇంజిన్ ఉంది. ఈ రెండు బైక్‌లను కూడా అప్‌డేట్ చేశారు. వీటి ధరను రూ.1,750 పెంచారు.

ఇంజిన్ అప్‌డేట్ తప్ప, హీరో HF100 లో ఇతర మార్పులు ఏవీ చేయలేదు. ఈ బైక్‌ను బ్లూ గ్రాఫిక్స్‌తో బ్లాక్, రెడ్ కలర్ ఆప్షన్స్‌లో కొనుగోలు చేయచ్చు. బైక్ డిజైన్ చాలా సింపుల్‌గా ఉంటుంది. ఈ బైక్ ద్వారా కంపెనీ చిన్న నగరాలను లక్ష్యంగా చేసుకుంటుంది.