Honda Cars: హోండా కార్లపై భారీ ఆఫర్లు.. ఏకంగా రూ.75వేలకు తగ్గింపు.. డిస్కౌంట్లు చూస్తే షాక్ అవుతారంతే..!

Discount Offers On Honda Cars: పండుగ సీజన్‌ను దృష్టిలో ఉంచుకుని హోండా కార్స్ ఇండియా తన కార్లపై భారీ తగ్గింపులను అందిస్తోంది. అక్టోబర్ నెల మొత్తం కంపెనీ వాహనాలపై డిస్కౌంట్లు ఉంటాయి. హోండా తన వాహనాలపై నగదు తగ్గింపులు, కార్పొరేట్ ప్రయోజనాలు, ఎక్స్ఛేంజ్ ఆఫర్లు, ఇతర ప్రయోజనాల ద్వారా కస్టమర్లను ఆకర్షిస్తోంది. అయితే, ఆఫర్లు హోండా సిటీ, హోండా అమేజ్‌పై మాత్రమే అందించింది. ఇటీవల విడుదల చేసిన హోండా ఎలివేట్‌పై ఎలాంటి ఆఫర్‌ను అందించడం లేదు. అక్టోబర్ నెలలో, మీరు హోండా సిటీ, హోండా అమేజ్‌పై రూ. 75,000 వరకు ఆదా చేసుకోవచ్చు. ఆఫర్‌ల గురించి ఇప్పుడు తెలుసుకుందాం..

హోండా సిటీపై తగ్గింపు..

ఈ నెలలో హోండా సిటీ పెట్రోల్‌పై రూ.75,000 వరకు తగ్గింపు అందుబాటులో ఉంది. ఈ తగ్గింపు నగదు తగ్గింపు, ఉపకరణాలు, లాయల్టీ బోనస్, కార్ ఎక్స్ఛేంజ్ మొదలైన వాటి రూపంలో అందిస్తున్నారు. ఇందులో రూ. 25,000 వరకు నగదు తగ్గింపు లేదా రూ. 26,947 వరకు ఉచిత యాక్సెసరీలు, రూ. 4,000 కస్టమర్ లాయల్టీ బోనస్, రూ. 6,000 హోండా కార్ ఎక్స్ఛేంజ్ బోనస్, రూ. 5,000 కార్పొరేట్ తగ్గింపు, రూ. 5,000 కార్పొరేట్ తగ్గింపు, ప్రత్యేక కార్పొరేట్ తగ్గింపు రూ. ఉంది. ఈ ఆఫర్ హోండా సిటీ హైబ్రిడ్‌లో అందుబాటులో లేదు.

హోండా అమేజ్‌పై తగ్గింపు..

హోండా అమేజ్‌పై కూడా ఆకర్షణీయమైన తగ్గింపు ఆఫర్లు ఉన్నాయి. అక్టోబర్ లో దీనిపై రూ.57,000 వరకు ఆఫర్లు ఇస్తున్నారు. ఇందులో రూ. 15,000 వరకు నగదు తగ్గింపు లేదా రూ. 18,147 వరకు ఉచిత యాక్సెసరీలు, రూ. 4,000 కస్టమర్ లాయల్టీ బోనస్, రూ. 3,000 కార్పొరేట్ తగ్గింపు, రూ. 20,000 ప్రత్యేక కార్పొరేట్ తగ్గింపు, రూ. 15,00 కార్ ఎక్స్ఛేంజ్ బోనస్ అందిస్తుంది.