2025 Royal Enfield Hunter 350: ఇది బైక్ కాదు.. ఫాన్స్‌కు ఎమోషన్.. కొత్తగా హంటర్ 350 .. దీనికంటే మంచి బైక్ లేదు!

2025 Royal Enfield Hunter 350: రాయల్ ఎన్‌ఫీల్డ్ శక్తివంతమైన బైక్‌లను మార్కెట్లోకి తీసుకొస్తుంది. కంపెనీకి చెందిన 'హంటర్ 350' ఎక్కువగా అమ్ముడవుతున్న బైక్. ఈ బైక్ గొప్ప విజయం సాధించిన తర్వాత, ఈ బైక్ ఫేస్‌లిఫ్ట్ మోడల్‌ను లాంచ్ చేస్తుంది. హంటర్ 350 కొత్త అప్డేట్ మోడల్ విడుదలకు సిద్ధంగా ఉంది. ఏప్రిల్ 26న కంపెనీ ఈ బైక్‌ను లాంచ్ చేసే అవకాశం ఉంది.

2022 సంవత్సరంలో, కంపెనీ మొదటిసారిగా హంటర్ 350 ను విడుదల చేసింది. ఇప్పుడు దాదాపు 3 సంవత్సరాల తర్వాత, ఈ బైక్ పెద్ద అప్‌డేట్ పొందబోతోంది. కంపెనీ పోర్ట్‌ఫోలియోలో హంటర్ 350 బెస్ట్ సెల్లింగ్ మోడల్. దీని ప్రారంభ ధర రూ.1.50 లక్షల నుండి ప్రారంభమవుతుంది. మీడియా నివేదికల ప్రకారం, ఈ బైక్‌ను ఏప్రిల్ 26న ఢిల్లీ, ముంబైలలో జరగనున్న రాయల్ ఎన్‌ఫీల్డ్ హంటర్‌హుడ్ మోటార్‌సైకిల్ ఫెస్టివల్ సందర్భంగా ప్రదర్శించనున్నారు.

కొత్త హంటర్ 350 లో కంపెనీ కొన్ని కాస్మెటిక్ మార్పులు చేయవచ్చు. దీనితో పాటు, ఈ బైక్‌ను కొత్త కలర్ ఆప్షన్లు, గ్రాఫిక్స్‌తో పరిచయం చేయవచ్చు. ఇది కాకుండా, కొత్త LED హెడ్‌లైట్లు, టెయిల్‌లైట్‌లను కూడా ఇందులో చేర్చవచ్చు. ఇప్పుడు రాయల్ ఎన్‌ఫీల్డ్‌లోని చాలా మోడళ్లలో LED హెడ్‌లైట్‌లను అందిస్తున్నారు.

హంటర్ 350 మంచి బైక్ అయినప్పటికీ, దాని అతిపెద్ద లోపం దాని గట్టి సస్పెన్షన్ సెటప్, ముఖ్యంగా వెనుక భాగంలో. దీని రైడ్ నాణ్యత చాలా బలహీనంగా ఉండటానికి ఇదే కారణం. కొత్త హంటర్ 350 ను రీ-ట్యూన్ చేసిన సస్పెన్షన్‌తో లాంచ్ చేయచ్చు. తద్వారా రైడర్లకు మరింత సౌకర్యవంతంగా ఉంటుంది.

బైక్ డిజైన్, ఇంజిన్ స్పెసిఫికేషన్లలో ఎటువంటి మార్పులు ఉండవు. ఈ బైక్‌లో 349సీసీ సింగిల్ సిలిండర్ ఎయిర్-కూల్డ్ ఇంజన్ ఉంటుంది. ఈ ఇంజిన్ 20బిహెచ్ పి పవర్, 2ఎన్ఎమ్ టార్క్‌ను ఉత్పత్తి చేస్తుంది. ఈ ఇంజిన్ 5-స్పీడ్ గేర్‌బాక్స్‌తో జతచేసి ఉంటుంది.