2025 Bajaj Pulsar NS 400Z: యూత్ ఫేవరెట్ బైక్.. సరికొత్త ఇంజిన్, ఫీచర్స్‌తో బజాజ్ పల్సర్.. ధర ఎంతంటే..?

2025 Bajaj Pulsar NS 400Z: బజాజ్ ఆటో 2025 పల్సర్ NS400Z ను భారత మార్కెట్లో విడుదల చేయడానికి సన్నాహాలు చేస్తోంది. ఈ అప్‌డెడ్ మోడల్ డీలర్‌షిప్‌ల వద్దకు కూడా చేరింది. పల్సర్ NS400Z లో కంపెనీ కొన్ని స్వల్ప మార్పులు చేసింది. ప్రస్తుత పల్సర్ NS400Z ధర రూ. 1.84 లక్షల ఎక్స్-షోరూమ్. అప్‌డేట్ చేసిన తర్వాత దాని ధర పెరుగుతుందని భావిస్తున్నారు. ఇప్పుడు, ధర దాదాపు రూ. 1.90 లక్షలు ఎక్స్-షోరూమ్. మార్కెట్లో, కొత్త బజాజ్ పల్సర్ NS400Z, హీరో మావెరిక్ 440, KTM 250 డ్యూక్, ట్రయంఫ్ స్పీడ్ 400, TVS అపాచీ RTR 310, బజాజ్ డొమినార్ 400 లతో పోటీపడుతుంది.

ఇప్పుడు ఈ బైక్‌లో బజాజ్ MRF రేజ్ టైర్లను అపోలో ఆల్ఫా H1 రేడియల్ టైర్లతో భర్తీ చేసింది. H1లు మెరుగైన గ్రిప్ అందిస్తాయని చెబుతున్నారు. వెనుక టైర్ పరిమాణం కూడా 140-సెక్షన్ నుండి 150-సెక్షన్‌కు పెరిగింది. ఇప్పటివరకు, కంపెనీ పల్సర్ NS400Z కోసం ఆర్గానిక్ బ్రేక్ ప్యాడ్‌లను ఉపయోగిస్తోంది, ఇవి స్టాపింగ్ పవర్ పరంగా ఉత్తమమైనవి కావు. అప్‌డేటెడ్ మోడల్ కోసం ఈ ప్యాడ్‌లను సింటర్డ్ ప్యాడ్‌లతో భర్తీ చేశారు, ఇది బ్రేకింగ్ శక్తిని గణనీయంగా మెరుగుపరచడంలో సహాయపడుతుంది.

2025 పల్సర్ NS400Z డొమినార్ 400, మునుపటి తరం KTM 390 డ్యూక్‌లో కనిపించే అదే 373 సీసీ యూనిట్‌ను పొందుతుంది. ఇది 8,800 ఆర్‌పిఎమ్ వద్ద 39.5 బిహెచ్‌పి పవర్, 6,500 ఆర్‌పిఎమ్ వద్ద 35 ఎన్ఎమ్ టార్క్‌ను ఉత్పత్తి చేస్తుంది. గేర్‌బాక్స్ 6-స్పీడ్ యూనిట్. ఈ మోటార్ సైకిల్ గరిష్ట వేగం గంటకు 154 కి.మీ వరకు ఉంటుంది.

పల్సర్ NS400Z బ్లూటూత్ కనెక్టివిటీ, టర్న్-బై-టర్న్ నావిగేషన్‌తో పాటు పూర్తి ఎల్ఈడీ లైటింగ్, డ్యూయల్-ఛానల్ ఏబీఎస్‌తో ఎల్‌సీడీ ఇన్‌స్ట్రుమెంట్ క్లస్టర్‌తో వస్తుంది. అదనంగా, ఇది ట్రాక్షన్ కంట్రోల్, రైడ్-బై-వైర్ టెక్నాలజీ, మల్టీ ఏబీఎస్ మోడ్‌లు, మల్టీ రైడింగ్ మోడ్‌లు ఉన్నాయి. దీనికి ముందు భాగంలో 43మి.మీ ఇన్వర్టెడ్ ఫోర్కులు, వెనుక భాగంలో మోనోషాక్ సస్పెన్షన్ లభిస్తుంది. ప్రభావవంతమైన స్టాపింగ్ పవర్ కోసం మోటార్ సైకిల్ ముందు, వెనుక రెండింటిలోనూ డిస్క్ బ్రేక్‌లను అమర్చారు.