Kia Carnival: Kia Carnival: భారత్‌లో రిలీజ్‌కు రెడీ అయిన ఫ్యామిలీ కార్.. బడ్జెట్ చూస్తే షాక్ తగిలిద్ది..

2024 Kia Carnival: భారతదేశంలో అత్యంత సరసమైన ప్రీమియం మినీవ్యాన్, కొత్త కియా కార్నివాల్ 2024 చివరి నాటికి మార్కెట్లోకి రానుంది. దీని పొడవు 5.1 మీటర్ల కంటే ఎక్కువగా ఉంటుంది. దీని డిజైన్ SUV నుంచి ప్రేరణ పొందినట్లు తెలుస్తోంది. నాల్గవ తరం కార్నివాల్ భారతదేశంలో టెస్టింగ్ చేస్తున్నారు. 2024 చివరి నాటికి ప్రారంభించనున్నట్లు తెలుస్తోంది.

EV9 ప్రేరణతో డిజైన్..

భారతదేశంలో నాల్గవ తరం కియా కార్నివాల్ టెస్టింగ్ జరుగుతోంది. కియా ఈ నెలాఖరులోగా సోనెట్ ఫేస్‌లిఫ్ట్‌ని ప్రారంభించబోతోంది. అయితే సెల్టోస్ ఫేస్‌లిఫ్ట్ కొన్ని నెలల క్రితం ప్రారంభించింది. మిడ్-లైఫ్ అప్‌డేట్‌తో కొత్త కరెన్‌లు కూడా మార్కెట్లోకి రాబోతున్నాయి. సోనెట్ తర్వాత కార్నివాల్ లాంచ్ అవుతుంది. ప్రస్తుత కార్నివాల్ కియా వెబ్‌సైట్ నుంచి తీసివేశారు. కియా 2020 నుంచి భారతదేశంలో మూడవ తరం కార్నివాల్‌ను విక్రయిస్తోంది. నాల్గవ తరం బెచ్ కార్నివాల్ అదే సంవత్సరంలో అనేక మార్కెట్లలో అమ్మకానికి వచ్చింది. కొత్త కార్నివాల్ EV9- డిజైన్‌తో వస్తుంది.

డిజైన్, లక్షణాలు..

ప్రీ-ఫేస్‌లిఫ్టెడ్ నాల్గవ తరం కార్నివాల్ 2023 ఆటో ఎక్స్‌పోలో పరిచయం చేశారు. కంపెనీ దీనిని 2024 చివరి నాటికి భారతదేశంలో విడుదల చేయబోతోంది. మినీవ్యాన్ డిజైన్ కాకుండా, ఇది SUV లాంటి డిజైన్‌ను కలిగి ఉంటుంది. కొత్త కార్నివాల్‌లో ఎలక్ట్రిక్ స్లైడింగ్ డోర్లు, విలాసవంతమైన ఇంటీరియర్స్ ఉన్నాయి. ఇతర కీలక ఫీచర్లలో డబుల్-గ్లేజ్డ్ విండోస్, 10.2-అంగుళాల డిస్‌ప్లే, విలాసవంతమైన డాష్‌బోర్డ్, మల్టీ-జోన్ క్లైమేట్ కంట్రోల్ ఉన్నాయి. ఇది ఖరీదైన టయోటా వెల్‌ఫైర్, లెక్సస్ ఎల్‌ఎం, Mercedes-Benz V-క్లాస్‌లతో పోటీపడుతుంది.

పవర్ట్రెయిన్, ధర..

గతంలో 2.2 లీటర్ డీజిల్ ఇంజిన్‌ను తొలగిస్తున్నట్లు పుకార్లు వచ్చాయి. కానీ ఇదే ఇంజిన్‌తో రానుంది. 197 bhp, 440 Nm అవుట్‌పుట్‌తో, ఈ ఇంజన్ 8-స్పీడ్ ట్రాన్స్‌మిషన్‌తో అమర్చారు. దీని ఎక్స్-షోరూమ్ ధర రూ.30 లక్షల నుంచి రూ.35 లక్షలుగా ఉంది.