Weekly Horoscope: ఈ వారం మీ రాశిఫలం (ఫిబ్రవరి 23 - మార్చి 1)

Weekly Horoscope in Telugu 2025 February 23 to March 1: ఈ వారం మీ రాశి ఫలాలు ఎలా ఉన్నాయంటే.

మేషం

శుభప్రదంగా ఉంటుంది. అన్ని పనుల్లోనూ విజయం లభిస్తుంది. అభిమతం నెరవేరుతుంది. ఎదిగేందుకు మేలిమి అవకాశాలు అందివస్తాయి. ప్రభుత్వ పరంగా సహకారం అందుతుంది. శత్రువులపై పేచేయిని సాధిస్తారు. అధికార వృద్ధి ఉంది. వృత్తిపరంగా మంచి గుర్తింపు లభిస్తుంది. కుటుంబ సభ్యులతో సరదాగా గడుపుతారు. స్థిరనివాస ప్రయత్నాలు అనుకూలిస్తాయి. సామాజిక గౌరవం పెరుగుతుంది. కొత్త స్నేహాలు లాభసాటిగా సాగుతాయి. అనవసర ప్రయాణాలు మానుకోండి. ఆధ్యాత్మిక చింతన వృద్ధి చెందుతుంది.

పరిహారం: శ్రీగణపతిని పూజించండి. ముదురు ఆకుపచ్చ రంగు కలిసిన దుస్తులను ధరించండి.

వృషభం

ఉన్నత స్థానానికి చేరాలన్న ప్రయత్నం అనుకూలిస్తుంది. అభీష్టం నెరవేరుతుంది. నైపుణ్యాన్ని ప్రదర్శించి పైఅధికారులను మెప్పిస్తారు. ఆశించిన సౌఖ్యాలను పొందుతారు. వృత్తిపరమైన స్థిరత్వాన్ని సాధిస్తారు. ఇతరులతో ఏర్పడే విరోధంలో విజయం మిమ్మల్నే వరిస్తుంది. బంధువులతో విందుల్లో పాల్గొంటారు. తొందరపాటు నిర్ణయాల వల్ల సమస్యలు వస్తాయి. చెప్పుడు మాటలను నమ్మడం వల్ల నష్టపోతారు. ఆవేశాన్ని అణచుకోవాలి. పోటీతత్త్వం పనికిరాదు. వారసత్వపు ఆస్తి వ్యవహారాల్లో జాప్యం ఉంటుంది.

పరిహారం: శ్రీలక్ష్మీనరసింహ స్వామిని పూజించండి. ముదురు పసుపు రంగు కలిసిన దుస్తులను ధరించండి.

మిథునం

కోరిక నెరవేరడం అంతర్గత ఆనందాన్ని పెంచుతుంది. భాగస్వామ్య వ్యవహారాలు లాభిస్తాయి. నూతన విజ్ఞానాభివృద్ధికి అనుకూలం. జీవిత భాగస్వామి సూచనలు చాలా మేలు చేస్తాయి. ఆర్థిక లావాదేవీలు తృప్తినిస్తాయి. ఇరుగు పొరుగుతో సత్సంబంధాలు నెలకొంటాయి. సంతాన సంబంధ విషయాలు తృప్తినిస్తాయి. ఆదాయానికి మించిన ఖర్చు చికాకు పెడుతుంది. బద్ధకం వల్ల వృత్తి, ఉద్యోగాల్లో నష్టపోయే సూచన ఉంది. వాహనాలు నడిపేటప్పుడు జాగ్రత్త. పరిహారం చెల్లించాల్సి వస్తుంది. అజీర్తి వేధిస్తుంది.

పరిహారం: శ్రీగాయత్రీమాతను పూజించండి. కుంకుమ రంగు కలిసిన దుస్తులను ధరించండి.

కర్కాటకం

వ్యవహారాలన్నింట్లోనూ విజయం సిద్ధిస్తుంది. ధన సంబంధ విషయాలు తృప్తినిస్తాయి. మనో వేదన తొలగి పోతుంది. ఆరోగ్యం నిలకడగా ఉంటుంది. జీవిత భాగస్వామితో సఖ్యత పెరుగుతుంది. వ్యాపారాల్లో భాగస్వామ్య వ్యవహారాలు లాభిస్తాయి. శత్రుపీడ తొలగిపోతుంది. కోర్టు వివాదాలు అనుకూలంగా పరిష్కారం అవుతాయి. బంధాలు బలపడతాయి. ప్రయాణం వినోదాన్నిస్తుంది. కీర్తిప్రతిష్టలు పెరుగుతాయి. వారసత్వపు ఆస్తి వ్యవహారాల్లో పంతాలకు వెళ్లకండి. పట్టువిడుపులతో ఉంటే మానసిక ప్రశాంతత లభిస్తుంది.

పరిహారం: శ్రీకనకదుర్గ అమ్మవారిని పూజించండి. ముదురు గోధుమ రంగు కలిసిన దుస్తులను ధరించండి.

సింహం

యోగదాయకంగా ఉంటుంది. చేపట్టిన ప్రతి ప్రయత్నం సఫలం అవుతుంది. కీలక కార్యాల్లో శుభ ఫలితాలు లభిస్తాయి. ఆర్థిక లబ్దిని పొందుతారు. నూతన వస్తువులు, ఆభరణాలను కొంటారు. పోటీలలో విజేతలుగా నిలుస్తారు. న్యాయవివాదాలు అనుకూలంగా పరిష్కారం అవుతాయి. పోయిన వస్తువు తిరిగి దొరుకుతుంది. కుటుంబ సమస్యల పరిష్కారంలో జీవిత భాగస్వామి సూచనలు మేలు చేస్తాయి. ప్రయాణాలు లాభిస్తాయి. బంధువులతో విందుకు హాజరవుతారు. అనవసర వ్యవహారాల్లో జోక్యం చేసుకోకండి. ఆరోగ్యం జాగ్రత్త.

పరిహారం: శ్రీవేంకటేశ్వరస్వామిని పూజించండి. పసుపు రంగు కలిసిన దుస్తులను ధరించండి.

కన్య

కీలక లక్ష్య సాధనలో అడ్డంకులను అధిగమిస్తారు. ఆర్థికంగా బలపడతారు. స్వస్థాన ప్రాప్తి ఉంది. అపార్థాలు, సందేహాలు తొలగిపోతాయి. ప్రత్యర్థులపై విజయం సాధిస్తారు. మిత్రులు సహకరిస్తారు. నూతన వస్తువులను కొంటారు. ప్రేమ వ్యవహారాలు అనుకూలించవు. మనసును అదుపులో ఉంచుకోండి. కీలక నిర్ణయాల్లో తొందరపాటు వల్ల భారీగా నష్టపోతారు. సంతానం తీరు వేదనకు గురిచేస్తుంది. స్థిరాస్తి లావాదేవీల్లో జాగ్రత్త. హృదయ సంబంధ అంశాలపై శ్రద్ధ పెట్టండి. సమర్థతకు తగ్గ స్థాయిలో కష్టపడితే సత్ఫలితాలుంటాయి.

పరిహారం: శ్రీసూర్య భగవానుడిని ఆరాధించండి. లేత నారింజ రంగు కలిసిన దుస్తులను ధరించండి.

తుల

ప్రయత్నాలు ఫలిస్తాయి. శుభ ఫలితాలు లభిస్తాయి. నాయకత్వ పటిమతో విశేష లాభాలను గడిస్తారు. ఆర్థికంగానూ బలపడతారు. ఆత్మవిశ్వాసం పెరుగుతుంది. సమాచార రంగంలోని వారికి ప్రయోజనకరంగా ఉంటుంది. సోదరుల సహకారం లభిస్తుంది. ఆధ్యాత్మిక అంశాల ద్వారా ప్రేరణను పొందుతారు. ప్రయాణం లాభిస్తుంది. కీలక వ్యవహారాల్లో సహచరులు అండగా నిలుస్తారు. స్థిరాస్తి లావాదేవీల్లో జాగ్రత్త. బంధువుల వ్యవహారాల్లో తొందరపాటు వద్దు. విద్య, సేవారంగాల్లోని వారు అప్రమత్తంగా ఉండాలి. బద్ధకాన్ని వీడండి.

పరిహారం: శ్రీసుబ్రహ్మణ్యస్వామిని పూజించండి. పసుపు రంగు కలిసిన దుస్తులను ధరించండి.

వృశ్చికం

వ్యవహారాల్లో విజయం లభిస్తుంది. అన్నింటా సత్ఫలితాలే వస్తాయి. ధనాదాయం వృద్ధి చెందుతుంది. సాహసోపేతమైన నిర్ణయం తీసుకుంటారు. ఆత్మీయుల కలయిక ఆనందాన్ని పెంచుతుంది. కుటుంబ సౌఖ్యాన్ని పొందుతారు. సోదరుల సహకారం లభిస్తుంది. ప్రయాణం ఆశించిన ప్రయోజనాన్నిస్తుంది. మాట తప్పడం వల్ల సమస్యలు వస్తాయి. ఎవరికీ హామీగా ఉండకండి. నోటిదరుసును తగ్గించుకోండి. విడాకులు లేదా రెండో పెళ్లి ప్రయత్నాలు అనుకూలించవు. తల్లి ఆరోగ్యంపై శ్రద్ధ పెట్టండి. అనూహ్య ఖర్చులుంటాయి.

పరిహారం: శ్రీ పార్వతీపరమేశ్వరులను పూజించండి. చిలుక పచ్చ రంగు కలిసిన దుస్తులను ధరించండి.

ధనుస్సు

ప్రయత్నాలు అనుకూలిస్తాయి. ఆర్థిక లావాదేవీలు తృప్తినిస్తాయి. కీలక తరుణంలో అదృష్టం తోడుంటుంది. తెలివితేటలకు తగిన గుర్తింపు లభిస్తుంది. నిరుద్యోగులకు శుభప్రదంగా ఉంటుంది. గౌరవం పెరుగుతుంది. సోదరులతో సఖ్యత ఉంటుంది. స్నేహితులతో వినోదాల్లో పాల్గొంటారు. ఎదిగేందుకు వచ్చే అవకాశాలను చేజార్చుకోకండి. కీలక సమాచారం ఆనందాన్నిస్తుంది. ప్రయాణం లాభిస్తుంది. మాట నిలుపుకోని కారణంగా అవమానం ఎదురవుతుంది. జీవిత భాగస్వామి తీరు బాధిస్తుంది. విలువైన వస్తువులను జాగ్రత్త పరచండి.

పరిహారం: శ్రీఆంజనేయ స్వామిని పూజించండి. సిందూరపు రంగు కలిసిన దుస్తులను దరించండి.

మకరం

పనులు నెమ్మదిగానే అయినా పూర్తవుతాయి. వాహన యోగం ఉంది. కుటుంబ సభ్యులతో సంతోషంగా గడుపుతారు. విందుల్లో పాల్గొంటారు. విశిష్ట వ్యక్తిత్వంతో పెద్దల ఆశీస్సులను పొందుతారు. కష్టాల నుంచి బయటపడే మార్గాలు కనిపిస్తాయి. మిత్రులు సహకరిస్తారు. చిన్ననాటి ఘటనలు గుర్తుకొస్తాయి. కోర్టు వ్యవహారాలను నిర్లక్ష్యం చేయకండి. ఇతరుల వ్యవహారాల్లో అనవసరంగా జోక్యం చేసుకోవద్దు. పోటీలలో పాల్గొనకండి. బ్యాంకు లావాదేవీలు నెమ్మదిస్తాయి. మనసులోని భావాన్ని చెప్పలేక ఇబ్బంది పడతారు.

పరిహారం: శ్రీదత్తాత్రేయ స్వామిని పూజించండి. తెల్లటి వస్త్రాలను ధరించండి.

కుంభం

అభీష్టం నెరవేరుతుంది. శుభ కార్యాచరణ గురించి సమాలోచనలు జరుపుతారు. సంతాన సంబంధ యత్నాలు అనుకూలిస్తాయి. సొంతింటి ప్రయత్నాలు కొలిక్కి వస్తాయి. రుణ విముక్తి యత్నాలు ఫలిస్తాయి. ఇష్టమైనవారితో విందులో పాల్గొంటారు. కొత్త స్నేహాలు లాభసాటిగా ఉంటాయి. పెద్దలను కలిసి ఆశీస్సులను పొందుతారు. నైపుణ్యాన్ని పెంచుకుంటారు. మానసిక స్థితి ఉత్సాహకరంగా ఉంటుంది. కీర్తి ప్రతిష్టలు పెరుగుతాయి. అనవసర జోక్యాలు వద్దు. కుటుంబ సభ్యుల వైద్యం కోసం ఖర్చు చేయాల్సి వస్తుంది.

పరిహారం: శనైశ్చరుడికి తైలాభిషేకం చేయించండి. నల్లటి రంగు కలిసిన వస్త్రాలను ధరించండి.

మీనం

పట్టింది బంగారంలా ఉంటుంది. అన్ని పనుల్లో విజయం సాధిస్తారు. జీవితంలో ఎదుగుదలకు అవసరమైన మేలిమి అవకాశాలు కలిసొస్తాయి. ప్రత్యర్థులు పోటీ నుంచి తప్పుకుంటారు. అభీష్టం నెరవేరుతుంది. రుణ విముక్తి యత్నం అనుకూలిస్తుంది. కొత్త స్నేహాలు ఏర్పడతాయి. సొంతింటి ఆలోచన అనుకూలిస్తుంది. కుటుంబ వాతావరణం ఉల్లాసంగా ఉంటుంది. వృత్తిపరమైన నైపుణ్యాన్ని పెంచుకుంటారు. సంతాన సంబంధ విషయాలు ఆనందాన్నిస్తాయి. ప్రయాణాల్లో అలసిపోతారు. వృథా ఖర్చులుంటాయి. నిద్రలేమి వేధిస్తుంది.

పరిహారం: శ్రీ దక్షిణామూర్తిని పూజించండి. తెల్లటి రంగు కలిసిన దుస్తులను ధరించండి.