వైసీపీలో టీడీపీ.. కొత్త ట్విస్ట్..

Gadapa Gadapaki Mana Prabhutvam: టార్గెట్ టీడీపీ ఓట్ బ్యాంక్ లక్ష్యంగా ఏపీలో వైసీపీ అధినాయకత్వం అడుగులు వేస్తోంది. గడపగడపలో వైసీపీ వ్యూంపై పార్టీ నేతలు కొత్త స్కెచ్ వేస్తున్నారు. టీడీపీ సానుభూతిపరులు ఇళ్లకు వెళ్లి సంక్షేమంపై వివరించి వారి ఆలోచనల్లో మార్పు తీసుకురావాలని వైసీపీ ఎమ్మెల్యేలు భావిస్తున్నారు. అందులో భాగంగా చాలా ప్రాంతాల్లో టీడీపీ కార్యకర్తల ఇళ్లకు అధికార పార్టీ నేతలు వెళ్తున్నారు. సంక్షేమం గురించి వారికి వివరిస్తూ చైతన్యపరుస్తున్నారు.

మొత్తంగా ప్రజలంతా సంతృప్తిగా ఉన్నారన్న వర్షన్‌ను వైసీపీ వివరిస్తోంది. గడప గడపకు ప్రజలు బ్రహ్మరధం పడుతుంటే టీడీపీ దృష్ప్రచారం చేస్తోందంటూ వైసీపీ ఎదురుదాడికి దిగుతోంది. దమ్ముంటే ప్రజల్లో తేల్చుకుందాం రండంటూ సవాల్ విసురుతోంది. కావాలంటే ప్రజలతో మాట్లాడిన వీడియో రికార్డులు రిలీజ్ చేస్తామని ప్రతిపక్ష టీడీపీకి వైసీపీ నేతలు సవాళ్లు విసురుతున్నారు.