Faggan Singh: విశాఖ చేరుకున్న కేంద్రమంత్రి ఫగన్ సింగ్ కులస్తీ

Faggan Singh: కేంద్ర ఉక్కు సహాయ మంత్రి ఫగన్ సింగ్ కొద్ది సేపటి క్రితమే విశాఖకు చేరుకున్నారు. వైజాగ్‌లో పలు కార్యక్రమాల్లో పాల్గొన్నందుకు ప్రత్యేక విమానంలో విశాఖ ఎయిర్ పోర్టుకు చేరుకున్న ఆయనకు..బీజేపీ నేతలు ఘన స్వాగతం పలికారు. కాసేపట్లో స్టీల్ ప్లాంట్ యాజమాన్యంతో ‎సమావేశమై తాజా పరిస్థితులపై సమీక్ష చేయనున్నారు కేంద్రమంత్రి. అనంతరం స్టీల్ ప్లాంట్‌కు చెందిన ఆయా కార్మిక సంఘాల ప్రతినిధులతో వివిధ అంశాలపై చర్చించనున్నారు. తెలంగాణ సింగరేణి నుంచి ముగ్గురు డైరెక్టర్లు వైజాగ్ స్టీల్ ప్లాంట్‌కు వెళ్లడం.. అక్కడి ప్రతినిధులతో చర్చలు జరపడం.. ఆ తర్వాత.. సెంట్రల్ నుంచి ఫగన్ సింగ్ కులస్తీ విశాఖకు రావడంతో ప్రాధాన్యత సంతరించుకుంది.