YV Subba Reddy: ఆ పది రోజులు వీఐపీ బ్రేక్‌ దర్శనాలు రద్దు

Tirumala: సెప్టెంబర్‌ 27 నుంచి అక్టోబర్‌ 6 వరకు శ్రీవారి వార్షిక బ్రహ్మోత్సవాలు నిర్వహిస్తున్నట్టు టీటీడీ చైర్మన్‌ వైవి సుబ్బారెడ్డి వెల్లడించారు. సెప్టెంబర్‌ 27న సీఎం జగన్.. స్వామివారికి పట్టువస్త్రాలు సమర్పిస్తారన్నారు. కరోనా కారణంగా గత రెండేళ్లుగా బ్రహ్మోత్సవాలు ఏకాంతంగా నిర్వహించామని, ఈ సారి భక్తుల సమక్షంలోనే బ్రహ్మోత్సవాలు జరుగుతాయన్నారు. భక్తులకు ఎలాంటి ఇబ్బంది తలెత్తకుండా చర్యలు చేపడుతున్నట్టు చెప్పారు. ఇక బ్రహ్మోత్సవాలు నిర్వహించే పది రోజులు విఐపీ బ్రేక్‌ దర్శనాలు, శ్రీవాణి బ్రేక్ దర్శనాలు రద్దు చేసినట్లు టీటీడీ చైర్మన్ వైవి సుబ్బారెడ్డి తెలిపారు.