Kathi Mahesh: కత్తి మహేష్ చికిత్సకు జగన్ సర్కార్ భారీ ఆర్థిక సాయం

Kathi Mahesh: సినీ నటుడు, విమర్శకుడు కత్తి మహేష్‌కు ఏపీ సీఎం జగన్ అండగా నిలిచారు. ఇటీవలే నెల్లూరు జిల్లాలో ఘోర రోడ్డు ప్రమాదానికి గురైన కత్తి మహేష్ తీవ్ర గాయాలతో చెన్నైలోని అపోలో ఆస్పత్రిలో చికిత్స పొందుతున్నారు. ఈ నేపథ్యంలోనే ముఖ్యమంత్రి వైఎస్ జగన్మోహన్ రెడ్డి భారీ ఆర్థిక సాయం ప్రకటించాడు. వైఎస్‌ జగన్‌మోహన్‌రెడ్డి ప్రభుత్వం రూ.17 లక్షల భారీ అర్థిక సాయం విడుదల చేసింది. ఈ మేరకు అధికారికంగా ముఖ్యమంత్రి క్యాంపు ఆఫీస్‌ నుంచి లేఖను విడుదల చేశారు. ముఖ్యమంత్రి సహాయ నిధి(సీఎంఆర్‌ఎఫ్‌)నుంచి ఈ నగదు అందించారు. ప్రస్తుతం అతని ఆరోగ్య పరిస్థితి నిలకడగా ఉన్నట్లు సమాచారం.