ఏలూరు జిల్లాలో రూ.50 లక్షల డబ్బు పట్టివేత

Eluru: ఏలూరు జిల్లాలో భారీగా డబ్బు పట్టుబడింది. జీలుగుమిల్లి మండలం తాటియాకులగూడెం వద్ద పోలీసులు వాహన తనిఖీలు నిర్వహించారు. ఎలాంటి రశీదులు లేకుండా తరలిస్తున్న 50 లక్షలను జీలుగుమిల్లి పోలీసులు సీజ్‌ చేశారు. ఆంధ్రా-తెలంగాణ అంతర్‌రాష్ట్ర సరిహద్దు తనిఖీ కేంద్రం వద్ద నగదు స్వాధీనం చేసుకున్నారు. సత్తుపల్లి నుంచి రావులపాలెంకు కారులో డబ్బును తరలిస్తుండగా.. పోలీసులు నగదును సీజ్‌ చేశారు. పట్టుబడ్డ నగదును వీఆర్‌వోల సమక్షంలో లెక్కింది.. ఐటీ కార్యాలయానికి తరలించనున్నట్టు సీఐ తెలిపారు.