Dhulipalla Narendra: ఏపీ గంజాయి, డ్రగ్స్ కు అడ్డాగా మారింది

Dhulipalla Narendra: ఏపీలో గంజాయి, డ్రగ్స్ దందా తారస్థాయికి చేరిందని టీడీపీ ఆరోపించింది. ఈ దందాతో ప్రమేయమున్న వైసీపీ నేతలను రక్షించేందుకు డీజీపీ, సీపీ అష్టకష్టాలు పడుతున్నారని టీడీపీ నేత ధూళిపాళ్ల నరేంద్ర ఆరోపించారు. శాంతి,భద్రతలను కాపాడాల్సిన పోలీసులు వైసీపీ నేతలను కాపాడాలని తహతహ లాడుతున్నారన్నారు.

గత నెల 20 న హెరాయిన్ పట్టుబడితే నిన్న సీఎం ఆ అంశంపై మాట్లాడటం దారుణమన్నారు. ఏపీలో గంజాయి సాగులో వైసీపీ నేతల హస్తం ఉందని ఒక పెద్ద మాఫియా ఏపీలో నడుస్తుందనీ దుయ్యబట్టారు ఆషీ ట్రేడింగ్ సంస్థకు చెందిన సుధాకర్ వెనుక ఉన్న వైసీపీ పెద్దలు ఎవరో తేలాలని నరేంద్ర డిమాండ్ చేశారు.